संसदीय चुनावया सवालय् नेवाः मतदाताया मंकाः अपिल

नेपाल संवत ११४६ चिल्लागा दुतिया बिहिवाः (२०८२ फागुन २१ गते) जुइगु आम निर्वाचनया नितिं ऐतिहासिक नेपाःगाः नेपालमण्डलया आदिवासी नेवाः मतदातातपाखें राजनीतिक दल, दलया उम्मेदवार व मेमेपिं उम्मेदवारपिनिगु नितिं अपिल १) सर्वोच्च अदालतया निर्देशनात्मक आदेश कथं संघीय संसद व प्रद्ेश सभा, संघ सरकार, प्रदेश सरकार व स्थानीय सरकारं अन्तर्राष्ट्रिय श्रम संगठन महासन्धि नं १६९ (आइएलओ १६९) व आदिवासी जनजातिया अधिकार सम्बन्धि संयुक्त राष्ट्र संघीय घोषणापत्र (युएनड्रिप) कार्यान्वयन यायेत कानुन व नीति दयेकेमाः । २) नेवाःतय्गु प्रथाजन्य संस्था गुथियात स्वायत्तता व स्वशासनया अधिकार बिइत कानुन दयेकेमाः । सार्वजनिक खरिद ऐन पुनरावलोकन यायेमाः नापं नेवाःतय्गु मूर्त अमुर्त सांस्कृति सम्पदालिसे स्वानाच्वंगु गथेकि थबहीया पलेस्वां पुखू, ख्य, दिगु द्य, चुकः आदि सामुदायिक जग्गा सम्बन्धित समुदायया हे स्वामित्वय् सामुदायिक जग्गा अन्तर्गत दर्ता यायेमाः । ३) नेवाः भूमिइ छुं नं कथंया ज्या यायेत स्वतन्त्र अग्रीम जानकारीलिसें मञ्जुर (एफपिक) अनिवार्य रुपं कायेमाः । नेवाः समुदायपाखें सशक्त विरोध जुया वया च्वंगु काठमाडौँ–तराई÷मधेस फास्ट ट्रयाक, बाहिरी चक्रपथ, स्मार्ट सिटी, आदि आयोजनात खारेज वा प्रभावित समुदायया माग कथं पुनरावलोकन जुइमाः । स्वनिगःयात सम्पदा क्षेत्रया रुपय् दयेकेगु नितिं नीति दयेकेमाः । ४) गैरन्यायिक खुसि नापं सतक मापदण्ड नापं विस्तार प्रभावित समुदायया सहमतिइ परिमार्जन वा खारेज यायेमाः । गैरन्यायिक रुपं सतक विस्तार जुइ धुंकूगु थासय् सर्वोच्च अदालतया आदेश कथं पीडित परिवार व समुदायया सम्पत्ति नापं आवासया हक सुनिश्चितता सहितया व्यवस्थापन व विस्थापित जूपिन्त उचित पुनर्वासया व्यवस्था यायेमाः । ५) अधिकार सम्पन्न वाग्मती सभ्यता एकीकृत विकास समितिया आःया संचरना खारेज याना खुसि सिथय् च्वंपिनिगु सहमति कथं एफपिक कया जक ज्या यायेगु कथं नेवाः आदिवासी व स्थानीय समुदायया नेतृत्वय् संरचना दयेकेमाः । अथेहे काठमाण्डौ उपत्यका विकास प्राधिकारणत खारेज याना स्थानीय जनप्रतिनिधि व आदिवासी नापं स्थानीय समुदाययात दुथ्याका संरचना निर्माण यायेमाः । ६) नेपाल संवतयात संघ, प्रदेश व स्थानीय सरकारं नापं फुक्क ख्यलय् अनिवार्य रुपं छ्यलाबुला हयेत कानुन दयेकेमाः । नेवाःतय्गु परम्परागत कला, ज्ञान, सीप, लजगाः÷प्रविधियात हःपाः बिइगु ब्यागलं कथंया कानून वा नीति दयेकेमाः । ७) संविधानया धारा ७ सं दुगु सरकारी कामकाजि भाषा सम्वन्धि व्यवस्था हिला बहुभाषिक सरकारी कामकाजि भाषा लागू यायेगु व मातृभाषायात अनुसुचि दुथ्याकेगु नापं बागमती प्रदेशय् नेपालभाषाया सरकारी कामकाजि भाषा कथं पूर्ण रुपं लागू यायेमाः । संरचार माध्यमयात बहुभाषिक संरचार माध्यमया रुपय् यंकेगु नितिं ब्यागलं कथंया कानुन दयेकेमाः । ८) मां भासं उच्च तह तक आखः ब्वनेत व मां भासं आखः ब्वनि पिन्त रोजगारी या अवसर नाप राज्य पाखें प्रोत्साहन बिइमाः । नेपाल लिपि, रन्जना लिपियात छ्यलेगु ज्या राज्यपाखें हे यायेमाः नापं नेवाः लागाया थाय् बाय् पुलांगु हे नेवाः नांयात हिइका न्ह्यलाथे तयाच्वंगुयात पना पुलांगु हे नां तयेगु नितिं कानुन दयेकेमाः । ९) संविधानया धारा ५६ (५) सं व्यवस्था दुगु स्वायत्त क्षेत्र, संरक्षित क्षेत्र व विशेष क्षेत्रयात नापं संविधानया धारा ३२ सं दुगु सांस्कृतिक हकयात लागू यायेत कानुन निर्माण यायेमाः । १०) भाषा, जाती, संस्कृति, ऐतिहासीक व भौगोलिक निरन्तरताया पहिचानया आधारय् नेवाः स्वायत्त (नेपाल मण्डल) प्रदेश निर्माण व संस्थागत सुधार यायेत संविधान संशोधन यायेमाः । ११) नेवाः समुदाय दुनेया भूमिहीन, स्ववासीपिन्त आवास व भूमिया अधिकार सुनिश्चित यायेगु नापं स्ववासी पुर्जाया व्यवस्था यायेमाः । १२) अप्वया वयाच्वंगु शहरी गरिबी व दीर्घल्वगी थें जाःगु स्वास्थ्य समस्या समाधनया नितिं विशेष पहल यायेमाः । नेवाः दुनेया ल्यूने लानाच्वंगु समुदाय द्यःला, खड्गी, जुगी आदि समुदाय, मिसा, अपांगता जूपिं मनूनय्गु सशक्तिकरणया नितिं पहल यायेमाः । . १३) स्थानीय तहसं जागिरय् स्थानीय नेवाःयात प्राथमिकता बिइमाःगु व कर्मचारी तन्त्र नापं राजनीतिक दल व राज्यया हरेक तहलय् जनसंख्याया आधारय् समानुपातिक समावेशीता सुनिश्चित यायेमाः । मंकाः अपिल जारी यानादीपिं नेवाः मतदातापिं थुगु अपिलय् छिगु नं नां तया छ्वये मज्यूला ? लिसः पियाच्वना । बुधवाः थुगु अपिल जारी जुइ न्हि नां तयेगु जूसा छिगु बाय्बाय् नं च्वया छ्वया हयादिसँ न्हि