गोकर्णेश्वर नगर साहित्य पुरस्कारबाट त्रिपाठी र चालिसे पुस्कृत

काठमाडौँ चैत्र २२, सहित्यकारहरु प्रा.डा. बासुदेव त्रिपाठी र विजय चालिसे गोकर्णेश्वर नगर साहित्य पुरस्कार २०८१ बाट पुस्कृत हुनु भएको छ । राष्ट्रिय गान र नगर गान लगत्तै सभाध्यक्षगोकर्णेश्वर नगर प्रमुख श्री दिपक कुमार रिसालबाट पानसमा दियो बालेर कार्यक्रम उद्घाटन गरिएको थियो । पुरस्कृत सहित्यकारद्वयलाई सभाध्यक्ष - नगर प्रमुखले दोसल्ला, सम्मान पत्र तथा फूलमालाले सुसज्जित गर्दै जनही १ लाख रुपैयाँको पुरस्कार अर्पणगर्नु भयो । नगर प्रमुख श्री दिपक कुमार रिसालले यसै क्षेत्रको ग्राम निर्माण बन्धुमन्डल क्लबमार्फत किर्तिषेश रमेश विकलबाट साहित्यिक प्रभाव परेको स्मरण गर्दै आफु लगायत यस भेगका थुप्रै युवाहरु साहित्यिक बिकासमा प्रेरित बनेको बताउनु भयो । त्यसैले आफ्नै माटोमा स्थापित भएका विशिस्ट साहित्यकार सहित यस वर्ष देखी राष्ट्र भरिकै विशिस्ट साहित्यिक ब्यक्तित्वलाई चयन गर्ने परम्पराको बिकास गर्ने सोच बनाएको बताउनु भयो । सम्मानित व्यक्तित्व बारेमा अभिनव साहित्य समाजका अध्यक्ष एवं नगर साहित्य पुरस्कार छनौट समिति संयोजक गोविन्द प्रसाद घिमिरेले प्रकाश पार्नु भएको थियो । पुस्कृत त्रिपाठीले वागमती नदीको सिरानमा रहेको यो न पा ले अनुकरणीय काम गर्दै आएकोमा खुशी ब्यक्त गर्दै यसै भूमीका कालजयी लेखकहरु हास्यब्यङग्यकार भैरव अर्याल तथा आख्यानकार रमेश विकलको योगदानको स्मरण गर्नु भयो । विजय चालिसेले आफ्नै जन्म थलोमा, बिशिस्ट विद्वानहरुका बिचमा पुरस्क्रित गएकोमा नगरपालिका, नगरप्रमुख तथा गोकर्णेश्वर नगरपालिका परिवारप्रती आभार प्रकट गर्नुभयो । नगरपालिकाको आर्थिक सहयोगमा रमेश विकल साहित्य प्रतिष्ठानद्वारा प्रकाशन भएका दुई ग्रन्थहरु - रमेश विकल समग्र अन्तर्गत 'बाकथाखण्ड' र 'बालउपन्यास, बालनाटक र अनुबादखण्ड' एवं सुरभि साहित्य प्रतिष्ठानद्वारा प्रकाशित 'द्रष्टा दृष्टिमा स्रष्टा विजय चालिसे' नामक ग्रन्थहरुको लोकर्पण पनि गरियो । समालोचक गोपी मैनालीले विकल ग्रन्थका बारेमा समालोचनात्मक मन्तब्य राख्दै छरिएका कृतिको समग्र खण्ड प्रकाशन गर्ने कार्यमा विकल प्रतिष्ठान र नगरपालिकाको सहयोगी भूमिकाको प्रशम्शा गर्नु भयो । अर्का समालोचक प्रा.डा. श्री कृष्ण प्रसाद दाहालले 'द्रष्टा दृष्टिमा स्रष्टा विजय चालिसे'को बारेमा समीक्षा मन्तव्य राख्दै साहित्यकार चालिसेको लेखन कौशल तथा विमोचित ग्रन्थका बारेमा चर्चा गर्नुभयो । समीक्षा मन्तव्य राख्दै समालोचक युवराज मैनालीले आफु महानगरबासी भएपनि यस नगरका साहित्यिक सस्था र तिनका गतिबिधी नियालेको आधारमा भन्नु भयो, 'गोकर्णेश्वर नरपालिकाको साहित्यिक गतिविधिको आधारमा मात्र हैन शिक्षा - स्वास्थ्य, कला - साहित्य - संस्कृति, पूर्वाधार विकास तथा खेलकुद लगायत विभिन्न क्षेत्रमा देशकै अग्रणी नगर पालिकाको रुपमा देखिन्छ । शुभकामना मन्तब्य प्रकट गर्नुहुने अन्य वक्तामा प्रमुख प्रशासकीय अधिकृत याम नारायण गौली, नेपाल सरकारका पुर्व सचिव एवं समालोचक श्री गोपि मैनाली, ललितकला प्रज्ञा प्रतिष्ठानका पुर्व कूलपति श्री के. के. कर्माचार्य, सुरभि साहित्य प्रतिष्ठानका अध्यक्ष एवं नगर साहित्य पुरस्कार छनौट समिति सदस्य श्री बाजुराम पौडेल, शिक्षा, युवा तथा खेलकुद शाखा प्रमुख वीरबहादुर खड्‌का, विशेष अतिथि प्रा. ठाकुर शर्मा भण्डारी हुनुहुन्थ्यो। कार्यक्रममा देशका बिशिस्ट साहित्यकारहरु लगायत नगर प्रवक्ता, बडाध्यक्षहरु, नगर शिक्षा समिति, नगरपालिका भित्रका विद्यालयका प्रतिनिधी, पत्रकार तथा साहित्य प्रेमीहरुको बाक्लो उपस्थिती रहेको थियो ।