थे च्यान (ह्वाइखा)

राजु तामाङ, काभ्रे 

घोर्की च्यानदा सेसी प्याङ्जी,
क्योङ ढिक्सी ताप्जी थे च्यानदा
तिनीन्हाङ्गर ल्हानन ल्हुन्दीकादे
च्यानदोसी थोन्बाकेन मुला
म्हीला का सिप्परी।

ह्युल्ली क्योङ ह्युल्बकादे 
रोगसे,भोकसे आन्हेम शोकसे
सिसैनोन,दुङाल तासी क्रासैनोन
मानवता ओन्छेला आरे थे च्यानसे
सेवाला भावना ओन्छेला आरे थे च्यानसे।

म्हीसे छेक्सी,ताप्सी ल्हुन्दी तोबा थे च्यान
म्हीसे अघोना सिंह दोना लाबा थे च्यान
चु च्यानला गे म्हीला हिंसा लाबन हिन्ना
नाम्साधिमरी वाङ्सी आतंक मच्चैधिबन हिन्ना
च्यानमिम आखिर च्याननोन हिन्ना
च्यानमिम खैमन म्हीला ह्रो दोआखम
च्यानमिम खैमन ह्युल्ला संरक्षक दोआखम।

खबरदार..
छार च्याननोन पुरान च्यान दोसी थोन्बाकेन मुला
ह्युल्ली हिंसालु च्यान वाङ्बा दुस्साहस लाबकेन मुला
आतंक मच्चैधिबरी थेन च्यान हाबाकेन्मुला
निरंकुश दोसी थेमी नाम्साधिमरी वाङ्बाकेन मुला ।

नाम्साधिमरी वाङ्पुङ्ला आदे थे च्यानदा 
क्योङ ढिक्सी ताप्दोला थे हिंसालु च्यानदा
क्योङ ढिक्सी प्याङ्दोला थे छार थेन पुरान च्यानदा
निरंकुश च्यानला आतंक ग्याम्से
 मुक्त लादोला ह्याङला नाम्साधिमता।