पात्ले बनको सुन्दरताभित्र लुकेको पीडा
.jpg)
विपना बानियाँ
पात्ले बन, जहाँ हरियाली र लालीगुराँसले पुरा वातावरणलाई राताम्मे बनाउँछ । प्राकृतिक सौन्दर्यको अनुपम उदाहरण हो यो ठाउँं । यहाँका चिरबिर गर्ने चराहरू, बतासको मन्द स्पर्श र शीतल छायाँले आत्मालाई शान्ति दिने महसुस गराउँछ, तर यसको गहिरो शान्तिमा लुकेको एउटा अनकहा पीडा पनि छ ।
स्थानीयहरूको भनाइ छ, “बिहानको समयमा यहाँ रमाइलो लाग्छ, तर साँझपख भने यो वन केही अनौठो र डरलाग्दो हुन थाल्छ ।“ धेरैजसोले यो वनलाई रहस्यमयी मान्छन्, र यहाँ भएका आत्महत्याका घटनाहरूलाई मानसिक तनाव, पारिवारिक समस्याहरू र समाजको दबाबसँग जोडेर हेर्दछन ्।
यो वनको सौन्दर्य र शान्तिमा लुकेको पीडाले केही व्यक्तिको मनमा गहिरा चिन्ताहरू र दुखहरूलाई उजागर गर्छ । पात्तले बन, जहाँ सबैलाई शान्ति र आनन्दको अनुभूति हुन्छ, त्यहीं कतिपयले जीवनको अन्त्य गर्ने स्थानको रूपमा पनि यसको पहिचान गरेका छन् ।
यसको शान्ति र सौन्दर्यमा रमाउनुपर्छ, तर यसका गहिरा दुखलाई बुझ्न पनि आवश्यक छ । यहाँको वातावरणले हामीलाई जीवनका मूल्य र संघर्षका बीचको सन्तुलन सिकाउँछ । यो वन केवल प्रकृतिको सौन्दर्य मात्र होइन, जीवनका पीडाहरूसँग जुध्न र मानसिक बलका बारेमा पनि सम्झाउँछ ।
.png)
