विनायकमा साइबर अपराधसम्बन्धी सचेतना कार्यक्रम

मध्यपुर ठिमी भक्तपुर गुणस्तरीय ,सार्थक र जीवन उपयोगी शिक्षा भन्ने नारालाई आत्मसात गर्दै विद्यार्थीहरुमा गुणस्तरीय ज्ञान प्रवाह गर्दै आएको विद्यालय विनायक शिक्षा निकेतन इङ्लिस स्कुल मध्यपुर ठिमी भक्तपुरले कक्षा ९ र १० का विद्यार्थीहरूका निम्ति अभिमुखीकरण तथा सचेतना कार्यक्रमको आयोजना गरियो।

प्रहरी वृत्त तथा साइबर अपराध ब्युरोको प्राविधिक सहयोगमा आयोजित उक्त कार्यक्रममा विद्यार्थीहरुलाई साइबर अपराध, त्यसबाट बच्ने उपायका बारेमा प्रकाश पारिएको थियाे। महानगरीय प्रहरी वृत्त ठिमीकी प्रशिक्षक सृजना पोखरेलको उपस्थिति रहेको सो कार्यक्रममा विद्यार्थीहरूलाई साइबर अपराध यसका रोकथाम र यसबारे सचेत बन्दै अगाडि बढ्नुपर्ने बारेमा अभिमुखीकरण गरिएको थियो ।अत्यन्तै अन्तरक्रियात्मक शैलीमा आयोजना गरिएको उक्त कार्यक्रममा कक्षा ९ र १० का विद्यार्थीहरूले साइबर अपराध र यससँग सम्बन्धित कुराहरूको बारेमा जिज्ञासा व्यक्त गरेका थिए।