एन्फा एकेडेमी सञ्चानार्थ पूर्व तयारी भेला

बागमती प्रदेश स्तरीय एन्फा एकेडेमी सञ्चनार्थ पूर्व तयारी भेला मकवानपुर जिल्ला इन्द्रसरोवर गाउँपालिका वडा नं ३ मा पर्ने वत्सला देवी माध्यमिक विद्यालयमा पूर्व प्रधानाध्यापक श्याम कृष्ण गौतमको सभापतित्वमा सम्पन्न भयो। बहुआयामिक ढंगले इन्द्रसरोवर लाई अगाडि बढाउन शैक्षिक क्रियाकलाप सँग खेल कार्यक्रम लाई जोड्दै दिर्धकालिन कार्यक्रम लिएर जानु पर्ने कुरा औंल्याउँदै एन्फा एकेडेमी एक गौरव र प्रतिष्ठा विषय तर्फ गम्भीर भई केन्द्रित हुन सबै सरोकारवालाहरुको ध्यानाकर्षण विद्यालय व्यवस्थापन समितिका अध्यक्ष माननीय सुभास चन्द्र ठकुरीले गर्नुभयो । एन्फा एकेडेमीको उदेश्य र विषयवस्तुमा प्रकाश पार्दै इन्द्रसरोवर लाई पर्यटकीय हाबको रुपमा विकास गर्न समेट टेवा पुग्ने बताउनुभयो। आर्थिक, सामजिक, भौतिक,व्यापारिक र व्यासायिक दृष्टिकोणले धेरै अवसरको सिर्जना भई स्थानीय जीवनस्तरमा समेत विकास हुने बताउनु भयो। बागमती प्रदेश अन्तर्गतका १४ वर्ष मुनिका ३० जना बालबालिकाहरूलाई आवासीय रुपमा बस्ने वातावरणले फुटबल खेल जगतमा नाम, दाम, काम र इज्जतलाई अगाडि बढाउन एन्फा एकेडेमी सफल हुने बिश्वास ब्यक्त गर्नुभयो। उहाँले चैत्र ३० हुने साइनिङ सेरोमोनी कार्यक्रमलाई भव्य रुपमा सम्पन्न गर्न सबैलाई उपस्थितिको लागि आह्वान समेत गर्नुभयो। बालबालिकाको चौतर्फी विकासलाई केन्द्रमा राखी नीति तथा कार्यक्रम र योजना तय गरी खेल र खेल जीवनमा नयाँ आयाम थपेको कुरामा इन्द्रसरोवर गाउँपालिका अध्यक्ष देव कृष्ण पुडासैनीले खुसी व्यक्त गर्नुभयो। बालबालिकालाई खेलबाट अनुशासन, जिम्मेवारी, सहकार्य, समूह कार्यको भावना विकास हुने बताउँदै एन्फा एकेडेमीको विकासमा सहयोग गर्ने कुरा इन्द्रसरोवर वडा नं ३ का वडा अध्यक्ष प्रताप भोम्जनले बताउनुभयो। उक्त भेलामा होम स्टे सञ्चालक बुद्ध रत्न मानन्धर, कालिका मा. वि. का प्रधानाध्यापक मान बहादुर स्यान्ताङ, रामचन्द्र भञ्ज्याङ आ. वि. का शिक्षक जीवन सुवालले पनि बोल्नुभयो भने कार्यकम शिक्षक गोपु बिशुङ्खेले सञ्चालन गर्नु भएको थियो .