बाघभैरबया भजनया म्युजिक भिडियो पिदन

सन्चारकःमिया रुपय् पलाः क्वातुके धुंकुम्ह निर्दशक ललेन्द्र शाक्यया निर्देशनय् किपू देयया आजुद्यः बाघभैरबया महिमायात न्ह्यब्वयातगु " जय जय बाघभैरब ” भजनया छगू म्युजिक म्युजिक भिडियो दयेकुगु दु । उगु म्युजिक भिडियो । सोमबार किर्तिपुरया किर्तिपुर सिनेप्लेक्सय् पितब्वज्या जुउगु खः । उगु भजनय् बाघभैरबया महिमा गानया नापनापं बाघभैरब उत्पत्ति बारे प्रचलित जनश्रुतिया किम्बदन्तियात नं बाल कलाकार पिनिगु पाखें न्ह्यब्वयातगु दु । भिडियोया निर्देशन ललेन्द्र शाक्य , छायाँकान व सम्पादन राजेश शाक्यं यानादीगु खः । बाघभैरब भजन मण्डलया दुजःपिनिगु सलय् थ्वया च्वंगु थ्व भजनयात संगीतकार हरिशरण सायमिं संगीत संयोजन याना तयार यानादीगु खः । अथेहेतुं थुकिया भिडियो निर्माणया संयोजन नं हरिशरण सायमिं हे यानादीगु खः । सोमबार जूगु थ्व भिडियो पितब्वज्या ज्याझ्वः जनकवि दुर्गालाल श्रेष्ठ मूपाहाँसुइ जूगु खःसा हरिशरण सायमिया सभानायसुइ जूगु खः । मूपाहाँ श्रेष्ठं त्वादेवाय् मत च्याका ज्याझ्वःया उलेज्या यानादीगु खः । ज्याझ्वलय् किर्तिपुर नगरपालिकाया उपमेयर शुभलक्ष्मी शाक्य, नेपालभाषाया न्हापांम्ह म्युजिक भिडियो निर्देशक विजयरत्न असंबरे व बाघभैरब भजन मण्डलया गुरु जोगमान महर्जन लगायत बिशेष पाहाँ कथं झायादिसे बाघभैरब व म्युजिक भिडियो बारे नुगःखँ तयादीगु खः