मदनकृष्ण श्रेष्ठया ज्वरा ज्वरा पर्सि पिहाँवल

ख्यालिजुजु कथं नांजाम्ह मदनकृष्ण श्रेष्ठ व गंगाबहादुर मालीं च्वयादीगु लोक लसय् अाधारित ‘ज्वरा ज्वरा पर्सि’ म्ये ख्यालिजुजु मदनकृष्ण श्रेष्ठलिसें नांजाःपिं म्येहालामिपिं रोजी डंगोल श्रेष्ठ व सरीता शाहीं हालादीगु म्ये खःसा थुगु म्येया म्यूजिक भिडियोया बुधबार पितब्वज्या जुउगु दु । येँया सीटीसी मल, चाइना टाउन ध्वाखाय् ख्यालिजुजु मदनकृष्ण श्रेष्ठया ‘ज्वरा ज्वरा पर्सि’ महया ह हरिवंश आचार्यया मूपाहाँसुइ उलेज्या जूगु खःसा ज्याझ्वलय् संकिपा व साहित्य अन्वेषक प्रकाश सायमि विशेष पाहाँ व सिने पत्रकार विजयरत्न असंबरे पाहाँ कथं झायादिसे म्ये व म्युजिक भिडियो यात कया खँ तयादीगु खः । गोपालकृष्ण महर्जनया सभानायसुइ जूगु उगु ज्याझ्वलय् म्येहालामि रोजी डंगोल श्रेष्ठं लसकुस यानादिल । ज्याझ्वलय् थःगु म्येयात कया म्येहालामि मदनकृष्ण श्रेष्ठ व थ्व भिडियो निर्देेशक रामकृष्ण खडगीं खँ तयादीगु खः । गोपालकृष्ण महर्जनया न्ह्यब्वया व निर्माणय् पिदनेत्यंगु थुगु‘ज्वरा ज्वरा पर्सि ’ म्यूजिक भिडियोया निर्देशन व कन्सेप्ट रामकृष्ण खड्गीं यानादीगु खः । छायांकन लुजः सिंहं यानादीगु व सम्पादन बालकृष्ण बंशीं यानादीगु थुगु ‘ज्वरा ज्वरा पर्सि ’ म्यूजिक भिडियोया कलरिङ संजीवरत्न शाक्यं यानादीगु खः । हरिशरण सायमिं रेकर्डिङ यानादीगु लोक लयया थ्व म्येया निंतिं जिवित जल्मीं बाजं ग्वसाः ग्वयादीगु खः । अथेहे, ‘ज्वरा ज्वरा पर्सि ’ म्यूजिक भिडियोय् समाः बिन्दिरा श्रेष्ठं यानादीगु खः । थुगु म्यूजिक भिडियोय् स्वयं म्येहालामि ख्यालिजुजु मदनकृष्ण श्रेष्ठं मू भूमिका म्हितादीगु दुसा ख्यालिजुजु श्रेष्ठलिसे नांजाःपिं कलाकारपिं बसुन्धरा भुषाल व सूर्यमाला शर्मा खनाल पिन्सं नं मेनरोल म्हितातःगु दु