येँ नेपाल आर्केष्ट्रा जुइगू
जेठ २६, २०८०, शुक्रबार | विहान ०४:५१ बजे | 55
नेपाः बहुभाषिक, बहुजातिय, बहु सांस्कृतिक देय् जक मखु बहुल सांगीतिक देय् नं खः । नेपाः दुनेया थीथी जाति व भाषाभाषीपिनि थःगु हे कथंया लोक संगीत व लोकबाजंत दु । थ्व थीथी जाति दुने नेपाःया संस्कृतियात जीवन्त याना तयेगु निंतिं नेपाः देय्या आदिवासी नेवाःतय्सं निरन्तर तिबः बियावयाच्वंगु दु । नेवाः जातिया छगू तःधंगु समुदाय ज्यापुतय्गु मंकाः राष्ट्रिय संगठन ज्यापु महागुथि नेपाःया पलिस्था २०५० साल भाद्र २६ गते जूगु खः । थुगु महागुथिं येँ महानगरपालिकालिसे सहकार्य यानाः तःदँ न्ह्यःनिसें ज्याझ्वः न्ह्याका वयाच्वनागु जुल । थ्व हे झ्वलय्ु येँ महानगरपालिकाया सम्पदा तथा पर्यटन समिति व ज्यापु महागुथि नेपाः केन्द्रीय समितिया मंकाः ग्वसालय् ज्यापुलिसें नेवाः व नेपाःया थीथी जातजाति व भाषाभाषीपिनिगु प्रतिनिधिमुलक थीथी लोकबाजंत मंकाः कथं ब्वयेगु तातुनाः अन्तर्राष्ट्रिय संगीत दिवसया लसताय् “नेपाल आर्केष्ट्रा ११४३” ज्याझ्वः थ्व हे ने.सं. ११४३ तछलाथ्व सप्तमि (२०८० जेठ २७ गते) येँया खुल्लामञ्चय् ग्वसाः ग्वयागु जुल ।
नेपाल आर्केष्ट्राया मू तातुना
ड्ड युवा पुस्तायात थःगु मौलिक परम्परागत बाजागाजा व संगीत ख्यलय् मन क्वसाय्काः पुस्तान्तरण यायेगु व थ्व ख्यःयात अझ विकास व विस्तार यायेगु खः ।
ड्ड नेपाःया थीथी समुदायया बाद्यवादन बाजागाजा व संगीत देय् दुने व देसं पिने नं प्रचार प्रसार यानाः आन्तरिक व बाह्य पर्यटन प्रवद्र्धन यायेगु ।
थुगु आर्केष्ट्राय् थ्यंमथ्यं ४० ताजिया बाजागाजा दुथ्याः । नेपाल अर्केष्ट्राय् ३०० नं मल्याक कलाकारपिसं थःथःपिनि प्रतिभा न्ह्यब्वया दी ।
नेपाःया लोकसंगीत ख्यलय् थीथी जाति व भाषाभाषीया ३०० नं मल्याक कलाकारपिसं मंकाःकथं छक्वलं थःगु प्रतिभा न्ह्यब्वइगु थ्व ऐतिहासिक ज्याझ्वः जुइ । नेपाःया संगीत ख्यलय् थुलिमछि कलाकारपिसं छक्वलं थःगु प्रतिभा न्ह्यब्वइगु थ्व हे न्हापांखुसी खः धइगु जिमिगु दावी दु ।
हनेवहपिं सकल पत्रकार पासापिन्त थुथु ज्याझ्वःयात फयांफक्व प्रचार प्रसार यानाः देय् दुने पिनेनं नेपाःया बाद्यवादन अले संगीत ख्यःया विशेषता ब्वयेत तिबः बिइ धइगु भलसा कया च्वना । सुभाय् ।
ग्वसाः खलः
येँ महानगरपालिका ज्यापु महागुथि नेपाः
सम्पदा तथा पर्यटन समिति केन्द्रीय समिति
¬
प्रचार प्रसार कवः, नेपाल आर्केष्ट्रा–११४३
न्यनेकनेया निंतिं स्वापू ः ९८५११५७९६१, ९८४१७९९५८, ९८४१२९८८९४, ९८५१०९६३०३, ९८५१०८८७४७
Comments
