ख्वपय् तःजिक खःमेय्या जात्रा ः थुगुसी न्हिनय् हे जात्रा जुल
असोज २८, २०७८, बिहीबार | विहान ११:४५ बजे | 5
कृष्ण प्रजापति
थौं मोहनि नखःया च्यान्हूया न्हिं नःमि । थःगु छेँ दुगु थथिी ज्वलं पुज्याना नखः न्यायेकेगु याइ । महानवमीया न्हिं थौं थीथी शक्तिपिठय् वनाः द्यः पूज्यायेगु याइ । अथे हे नःलि स्वां क्वःकाया द्यःयात छायेगुु नं याइ ।
ख्वय् मोहनिया लसताय् न्यायेकीगु खःमेया जात्रा थौं न्हिनय् हे जुल । नवदुर्गा द्यःछेँय् लहिनातःम्ह खःमेयात अनंनिसें जात्रायाना ब्रम्हायणी पीठय् यंकूगु खः । थगुने लकडाउनया कारणं नवमिकुन्हु सुथय् ४ बजे हे खःमेय् जात्रा याःगु खः । थुगुसी धाःसा भचा कोरोनाया भयावह स्थितिइ सुधार वःगु तायेकाः न्हिनय् २ बजे जात्रा यायेगु धयातःगु खः । जात्रा ३ बजे न्ह्याःगु खः । आः खःमेयात ब्रम्हायणी पीठय् चिनातःगु दु ।
थौंहे उम्ह खःमेयात अन सासना बियाः छ्यंगु तुक क्वा क्वां कचिगु हि त्वनाः बली बी । कन्हय् न्हिच्छिं ब्रम्हयणी मेला यानाः मोहनि क्वचाइ ।
Comments
.jpg)
.jpeg)
.jpeg)
