कृष्ण प्रजापति
येँ देय्या तःजिगु नखः यँयाः थनिंनिसें शुरु जूगु दु दु । थौं सुथय् हनुमानध्वाखाय् यःसिं थनेवं येँयाः सुरू जूगु खः । यःसिं थनेवं थुगु दँया यँयाः पर्व शुरु जूगु भाःपी । थौं सुथय््र ६ः५१या साइटय् यःसिं थंगु खः । केन्द्रीय मानन्धरया ग्वसालय् यःसिं थनेगु परम्परा दु । थुकिया लागिं मानन्धर संघपाखें नालाया यःसिंगुँइ सिमा पालाः यःसिं येँय् तक थ्यंके हःगु खः । थौं यःसिं थनेवं यँयाःलिसे स्वापू दुगु थीथी द्यःपिं पित हयेगु लिसें थीथी प्याखंत नं पिहां वयेगु शुरु जुइ । येँय् थनिंनिसें दीप्याखं, पुलुकिसि, लाखे, महाकाली प्याखं, हल्चोक आकाश भैरव (सवःद्यः) या प्याखं नं पिहां वयेगु शुरु जुइ । अथे हे थनिंनिसें हनुमानध्वाखाया हाथुद्यः (श्वेत भैरव), वंघःया आजुद्यः (आकाश भैरव), वटुया बाकादे आजु लगायत थीथी थाय्या भैलःद्यः नं उलाः हाथु हायेकेगु याइ ।
थुुगुसी तृतिया तिथि तुत जूगुलिं कन्हय् हे कुमारी सालीगु जूगु दु । कन्हय् येँया बसन्तपुली विशेष स्वास्थ्य व सुरक्षा व्यवस्था यानाः कुमारीया रथ सालेत्यंगु खँ सीदुगु दु ।

...

All Comments.......


Please Login/Register To Comments