ख्वपय् नेपाल सम्बत व स्वन्ति नखःया भिन्तुना कालबिल ज्याझ्व:जुल

थौं ने.सं.११४५ कौलागा त्रयोदर्शी, २०८२ कार्तिक २ गते आईतवार कुन्हु नेपाल सम्बत ११४६ न्हुदँ,स्वन्ति नखःया भिन्तुना कालबिल ज्याझ्वः, चतर्ब्रम्ह महाविहार, साकोथा, ख्वपय् राष्ट्रिय ज्ञानमाला संघ नेपाल अन्तर्गत भक्तपुर जिल्ला उप-समितिया ग्वसालय् चतुर्ब्रम्ह महाबिहारय् जुल । ज्याझ्वः उप प्रा. डा. पुष्परत्न शाक्यया मूःपाहाँ सुई, वयकलं त्वादेवाःय् मत च्याका उलेज्याः याना , भिन्तुना न्वचु तसें न्हापा न्हापा तिथि गडबड मजु तर तिथि थौं कन्हे तिथि गडबड जुगु कारण कनादिन । अथेहे विशेष पाहाँ बौद्ध विद्वान कृष्णकुमार प्रजापतिजु नेपाल बुद्ध बुगु देश जुगुलिं झी नेपामी पिसं नेपाल सम्बत नापं बुद्ध सम्बत थेलेमाजु धया दिल । अथेहे राष्ट्रिय ज्ञानमाला संघ नेपालया केन्द्रीय सदस्य गणेशराम प्रजापति, मेम्ह केन्द्रीय सदस्य पुण्यरत्न शाक्य, स्यामकृष्ण डंगोल, चतुर्ब्रम्ह महाबिहारया अध्यक्ष कविरकुमार बज्राचार्य, व महाबिहारया पुलाम्ह अध्यक्ष सप्तचन्द्र बज्राचार्य पिसं भिन्तुना न्वतु तया दिगु जुल । ज्याझ्वः राष्ट्रिय ज्ञानमाला संघ नेपाल, भक्तपुर जिल्ला संयोजक गौतम बज्राचार्यया नायो सुई उपस्थित सकसितं सुभाय् बिया दिल । लसकुस सह-संयोजक तुलसीकाजी मानन्धरं याना दिगु खसाः, कृष्णभक्त हाँय्जुं ज्याझ्वः न्ह्याका दिगु ख । ज्याझ्वः पञ्चशील प्रार्थनां न्ह्याना पुण्यानुमोदन याना क्वचायेकुगु खः ।