गाईजात्रामा ४५ औं(पिङाकगु) तःमुंज्याको ब्यग्यात्मक गाईजात्रा पनि प्रस्तुत

भक्तपुर । ४५ औ (पिङाकगु) नेपाल भाषा साहित्य तःमुंज्याको आयोजना समिति (ग्वसाखल) को अगुवाईमा गाइजात्रा महोत्सव २०८२ मा ब्यग्यात्मक साँस्कृतिक झाँकी, कार्टृुन र प्लेकार्ड  प्रदर्शन र प्रहशन गरी भक्तपुर नगर परिक्रमा गरियो । कार्यक्रममा इजरायल इरान युद्ध, अमेरिकाद्धारा इरानको परमाणु भण्डार क्षेत्रमा गरिएको हवाइ आक्रमण र  सार्वभौमिकताको उलंघन  र इजरायलले विगत तीन बर्ष देखि प्यालेस्टीनी जनतामाथि गरिएको अमानवीय हवाई हमला र युद्ध, रुस युक्रेन युद्धमा नेटो र अमेरिकाले युक्रेनको पक्षमा लडिरहेको छद्मभेषी युद्धबारे ब्यँगात्मक प्रस्तुति देखाएको थियो । साथै नेपालको राजनीतिमा भ्रष्टाचारमा चुर्लुम्व डुबेको ओली सरकार, पानी जहाजको हावादारी कुरा र पतंञ्जलीको जग्गामा पुर्व प्रम माधव नेपाल गरिएको अनियमितता र सहकारीमा गरिएको ठगिबारे पनि झाँकी मार्फत पर्दाफास गरिएको  थियो । 
कार्यक्रम धा बाजा सहित नगर परिक्रमा गरिएको थियो । नगर परिक्रममा युवा, विद्यार्थी, महिला, किसान, मजदुरको उल्लेखिए सहभागिता रहयो ।