परित्राण पाठ ज्याझ्वः दीपंकर प्रशन्नशील महाविहार, क्वाथण्डौ,ख्वपय् जुल

थौं ने.सं.११४५ गुँलाथ्व तृतीया आईतवाः(२०८२ श्रावण ११ गते)ख्वपय् युवा बौद्ध पुचः भक्तपुरया ग्वसालय् गुँलाधर्मया लसताय् व दीपंकर ज्ञानमाला भजन खलःया व्यवस्थापनय् सनिलय् तुतःव परित्राण पाठ ज्याझ्वः दीपंकर प्रशन्नशील महाविहार, क्वाथण्डौ,ख्वपय् जुल । युवा बौद्ध पुचः भक्तपुरं दँय् दँयसं ख्वपया थीथी थासय् तुतः व परित्राण पाठ याना वया ख: । ज्याझ्वय् युवा बौद्ध पुचः भक्तपुरया अध्यक्ष रत्नसुन्दर शाक्यं लसकुस नापं तुतःब्वनेगु लिच्छविकालं निसें गुसत्यादँ पुलांगु संस्कृत भाषं च्वयातगु स्तुतमपि हर्षसिंहदेव जुजुं हे च्वयातगु तुतः ब्वनेगु प्रचलय् जुई धुकुगु धका तुतःया महत्व कना दिल । दीपंकर ज्ञानमाला भजन खलःया उपाध्यक्ष पुण्यरत्न शाक्यं तुतः ब्वनेगु यक्व न्हापां निसें चलेजुया आतक्कनं विहार- विहारय् व छेँ छेँ ब्वना वया च्वंगु दु धया दिल । संस्कृतं च्वयातगु तुतःव पाली भाषं च्वया तगु परित्राण पाठ या अर्थ युवा बौद्ध पुचःया दुजः प्रताप मानन्धरं ब्वना न्यंकुगु खसाः उपाध्यक्ष नापं ज्याझ्वया कजिः शाक्यान शाक्ं सकसितं सुभाय् बियादिगु ख। ज्याझ्वः सचिव तुलसीकाजी मानन्धरं न्ह्याकादिगु खः ।