दाङमा प्रथम राष्ट्रिय खुल्ला पुरुष खो खो प्रतियोगिता हुने

दाङ बैशाख २४
दाङ जिल्ला खो खो संघको आयोजनामा पहिलो पटक नेपाल खो खो संघको स्वीकृतिमा प्रथम राष्ट्रिय खुल्ला पुरुष खो खो प्रतियोगिता ( २०८२ यहि बैशाख २६ गते देखि २८ गतेसम्म हुने भएको छ । दाङ, तुल्सीपुरस्थित अरनिको खेल मैदानमा राष्ट्रिय स्तरको प्रतियोगिता आयोजना गर्न नेपाल खो खो अध्यक्ष प्रदिप महर्जन सहितको प्राविधिक टोलीले निरिक्षण भ्रमण गरी आवश्यक सुझावहरु दिएको थियो ।   
उक्त प्रतियोगिता लुम्बिनी प्रदेश खेलकुद परिषदको प्रवद्र्धनमा तुल्सीपुर उपमहानगरपालिको आर्थिक सहयोगमा हुन लागेको कुरा अध्यक्ष एवं दाङ जिल्ला खो खो संघका अध्यक्ष बाल कृष्ण शाहकाले बताउनु भयो । आयोजक समितिकाअनुसार सो प्रतियोगिताको लागि तुल्सीपुर स्थित अरनिको खेल मैदानमा सम्पूर्ण तयारी पुरा भई सकेको बताउनु भयो । सो प्रतिायेगितामा नेपालको सातै प्रदेशका सात पुरुष टिम र नेपाली सेनाका एक विभागीय टिम सहित ८ पुरुष खो खो टिमको सहभागिता रहने बताउनु भएको छ । सो प्रतियोगितामा ९६ पुरुष खेलाडीहरुले आफ्नो क्षमता प्रदर्शन गर्ने छन् भने ८ जना प्रशिक्षक १५ जना निर्णायकहरुको प्रत्यक्ष समलग्नता रहनेछ । आयोजकका अनुसार  तीन दिन सम्म हुने उक्त प्रतियोगितामा प्रथम हुने टिमले रु. ५० हजार, दाश्रो हुनेले रु. २५ हजार र तेश्रो हुने टिमले दश हजार रुपैयाँ नगद पुरस्कार सहित प्रमाण पत्र, मेडल र ट्रफी प्राप्त गर्ने छन् भने बेष्ट रनर र बेष्ट चेजरलाई पनि उचित पुरस्कार प्रदान गरिने छ । सो प्रतियोगिताको उद्घाटन २६ गते विहान ९ बजे अरनिको खेल मैदान तुल्सीपुरमा हुने भएको छ । आयोजकका अनुसार सोही अवसरमा भारतको खो खो टिम सँग नेपालको मैत्रीपूर्ण एक दिवशीय खेल पनि हुने बताइएको छ ।