जिव्रो छेड्ने सुजनले चढाए नायो पमाको घर गई दाम
2025-04-10 07:16:50
बोडे । भक्तपुरको मध्यपुर थिमि नगरपालिका वडा नं ८ बोडेमा प्रत्येक वर्ष विस्का जात्राको अवसरमा वैशाख २ गते हुने जिव्रो छेडेन जात्रामा यो वर्ष पनि सुजन बाग श्रेष्ठले नै तेश्रो पटक जिव्रो छेडाउने भएका छन् । यस क्रममा सुजन बाग श्रेष्ठले विहीबार नायो पमाको घरमा गई दाम चढाउने काम गरेका छन् । परम्परा अनुसार जिव्रो छेडने व्यक्तिले नायो पमाको घर गई दाम चढाउनुपर्ने हुन्छ । सोही अनुसार यो काम सम्पन्न भएको मध्यपुर थिमि नगरपालिका वडा नं ८ का वडा अध्यक्ष रमेश थापा श्रेष्ठले बताए ।
प्रतिक्रिया
