अन्तर नगर जिम्नाष्टिक प्रतियोगिता सुरु

भक्तपुर, चैत २३
भक्तपुर नगरपालिकाको आयोजनामा शनिबारदेखि अन्तर नगर जिम्नाष्टिक प्रतियोगिता सुरु भएको छ । जिम्नास्टिक प्रतियोगिताको उद्घाटन ¥याली भक्तपुर नगरपालिका  वडा नं. ९ दत्तात्रय परिसरबाट भएको थियो । ¥याली तचपाल, इनाचो, सुकुलढोका, टौमढी, नासमना, भार्वाचो, दुधपाटी हुँदै नगरको मुख्य बजार परिक्रमा गरी शहिद स्मृति खेल मैदानमा पुगी उद्घाटन गरिएको छ ।
प्रतियोगितामा काठमाण्डौ र ललितपुर महानगरसहित देशका विभिन्न १८ वटा नगरपालिकाहरुले भाग लिएका छन् । अन्तर नगर जिम्नास्टिक प्रतियोगिता नेपालकै पहिलो प्रतियोगिताको रुपमा भक्तपुर नगरपालिकाले आयोजना गर्दै गरेको हो । 
प्रतियोगितामा प्रथम हुने टिमलाई रु. ५० हजार, दोस्रोलाई रु. ३० हजार, तेस्रोलाई रु. २० हजार नगद पुरस्कारको व्यवस्था गरिएको छ । सहभागी खेलाडी र अफिसियलहरुलाई खाने र बस्ने व्यवस्था गरेको जनाइयो ।
प्रतियोगितामा काठमाण्डौ महानगरपालिका, ललितपुर महानगरपालिका, पोखरा महानगरपालिका, हेटौडा उपमहानगरपालिका, भक्तपुर नगरपालिका, चाँगु नगरपालिका, सूर्यविनायक नगरपालिका, मध्यपुर थिमि नगरपालिका, बाग्लुङ नगरपालिका, रामग्राम नगरपालिका, बनेपा नगरपालिका,  गोकर्णेश्वर नगरपालिका, शंखरापुर नगरपालिका, चन्द्रागिरी नगरपालिका, वालिङ्ग नगरपालिका, कीर्तिपुर नगरपालिका,  बुढानिलकण्ठ नगरपालिका र नागार्जुन नगरपालिकाले सहभागिता जनाउने पक्कापक्की भएको छ । 
नगरपालिकाले हरेक वर्ष अन्तर नगर खेलकुद प्रतियोगिता सञ्चालन गर्दै आएकोमा पहिलो वर्ष भलिबल, दोस्रो वर्ष कराँते, तेस्रो वर्ष एथलेटिक्स, चौथो वर्ष बुद्धिचाल, पाँचांै वर्ष खो खो र गत वर्ष महिला कबड्डी खेलको प्रतियोगिता सफलताका साथ सम्पन्न गरियो । भक्तपुर नगरपालिकाको कार्यपालिका बैठकले प्रतियोगिता गर्ने निर्णय गरेको जनाइयो । 
प्रतियोगिता भव्य रुपमा सम्पन्न गर्न नगर प्रमुखको संयोजकत्वमा १५१ सदस्यीय मूल आयोजक समिति र १३ वटा बिषयगत उपसमितिहरु गठन गरेको जनाइयों । प्रतियोगिता नेपाल जिम्नास्टिक संघबाट मान्यता प्राप्त रहेको जनाइयो ।