निजी तथा आवासीय विद्यालयको संगठन(Metro Pabson) भरतपुर महानगरपालिकाको तेस्रो अधिवेशन सम्पन्न

विश्वराज अर्याल

भरतपुर ११ गणेशथान, २२ मङ्सिर, शनिबार,

भरतपुर महानगरपालिका मेट्रो प्याब्सन को तेस्रो अधिवेशन सम्पन्न भएको छ। सो अधिवेशनबाट अध्यक्ष जस्तो गरिमामय पदमा होली भिजन पब्लिक स्कुलका प्राचार्य मिन मीनराज बस्ताकोटी निर्वाचित हुनुभएको छ | उपाध्यक्ष श्री निवास पौडेल ,सचिव वेदराज न्यौपाने, कोषाध्यक्ष यम बहादुर पौडेल, सहसचिव ठाकुर रिजाल ,सह कोषाध्यक्ष रामप्रसाद अधिकारी ,सदस्यहरू हरिचरण रानाभाट, तुलसीराम पाण्डे ,प्रेम शर्मा बस्याल, आकाश पौडेल ,प्रेम हरि प्रसाद मिश्र हुनुहुन्छ | सो कार्यक्रम दुई चरणमा गरिएको थियो पहिलो चरणमा निजी तथा आवासीय विद्यालयमा निरन्तर एउटै विद्यालयमा २० वर्षभन्दा बढी सेवा गर्ने शिक्षक तथा प्राचार्यलाई सम्मान गरिएको थियो। नेपालको परिपेक्षमा निजी तथा आवासीय विद्यालयले खेलेको भूमिकाको बारेमा प्रकाश पारिएको थियो। सो कार्यक्रम मेट्रो प्याब्सन भरतपुरका अध्यक्ष लेखनाथ खनालको अध्यक्षतामा सम्पन्न भएको थियो | प्रमुख अतिथिमा भरतपुर महानगरपालिका शैक्षिक प्रशासन महाशाखाका प्रमुख सुभाष चन्द्र आचार्य हुनुहुन्थ्यो। विशिष्ट अतिथिहरूहरूमा प्याब्सन केन्द्रीय सदस्य मोहन लामा, प्याब्सन चितवनका अध्यक्ष कृतिनिधि अर्याल , प्याब्सन चितवनका उपाध्यक्ष तथा जनप्रिय पब्लिक स्कुलका प्राचार्य भानुभक्त अर्याल हुनुहुन्थ्यो। अतिथिहरूमा प्याब्सन चितवनका पदाधिकारी तथा सल्लाहकारहरू हुनुहुन्थ्यो। सो कार्यक्रम प्याब्सन चितवनको सभाहल गणेश स्थानमा सम्पन्न भएको थियो।