भादगाउँले कालो टोपी उद्योग संघको प्रारम्भिक साधारणसभा सम्पन्न

भक्तपुर भादगाउँले कालो टोपी उद्योग संघको प्रारम्भिक साधारणसभा बिहीबार एक कार्यक्रमबीच सम्पन्न भयो । 

कार्यक्रमको भक्तपुर नगरपालिकाका प्रमुख सुनिल प्रजापतिले पानसमा दीप प्रज्ज्वलन गरी उद्घाटन गरेको थियो । कार्यक्रममा बोल्दै नगर प्रमुख प्रजापतिले घरेलु उद्योग, हस्तकलालगायतका उद्योगहरुले देशको आर्थिक विकासमा महत्वपूर्ण योगदान पु¥याइरहेको बताए । 

भक्तपुर नगरपालिकाले यहाँका मौलिक तथा परम्परागत सीप तथा कलाहरु संरक्षण र सम्बद्र्धमा विशेष पहल गर्दै आइरहेको बताउँदै उनले भक्तपुर भ्रमण गर्ने स्वदेशी तथा विदेशी विशिष्ट पाहुनाहरुलाई भादगाउँले टोपी, जुः जुः धौ, मौलिक थैली र मयुरको झ्याल उपहारस्वरुप प्रदान गर्दै आएको बताए । उनले भादगाउँले टोपीको गुणस्तर कायम गर्नुपर्नेमा जोड दिँदै घरेलु उद्योगहरुलाई प्रवद्र्धन गर्न नपा सँधै प्रतिबद्ध रहेको बताए । जनताको सहयोगमा भक्तपुरको विकास भएको बताउँदै उनले भादगाउँले टोपीको प्रयोग कम भएसँगै यसमा आबद्ध पेशाव्यवसायीहरु पनि विस्थापित हुने खतरा बढिरहेकोमा चिन्ता व्यक्त गरे । कार्यक्रममा भक्तपुर नपा वडा नं. ४ का वडाध्यक्ष उपेन्द्र सुवालले भादगाउँले टोपीको शानलाई अझ उँच्च राख्न व्यवसायीहरुले निरन्तर यसको संवद्र्धन र प्रर्वद्धनमा लाग्नुपर्ने बताउँदै भक्तपुरका मौलिक वस्तुहरुको ट्रेडमार्क कायम गर्न सके अझ फलदायी हुने बताए । त्यस्तै भक्तपुर उद्योग वाणिज्य संघका अध्यक्ष रोशनी मैयाँ धाबन्जाले भादगाउँले टोपी प्रयोगकर्ताहरु कम हुँदै जाँदा व्यवसायीहरु निराश देखिएको बताउँदै भक्तपुरको मौलिक टोपी प्रयोग गर्न सबैलाई उत्साहित गर्नुपर्नेमा जोड दिए । कार्यक्रममा भादगाउँले कालो टोपी उद्योगका संघका अध्यक्ष सिताराम श्रेष्ठले देशकै पहिचान बोकेको भादगाउँले टोपीको प्रयोगलाई सरकारी कार्यालयका कर्मचारीहरुमा अनिवार्य गर्न सके यसको संरक्षणमा टेवा पुग्ने बताए । 

 उक्त कार्यक्रममा सल्लाहकार विश्वराम दुवाल, भक्तपुर हस्तकला संघका अध्यक्ष सम्भु श्रेष्ठ, भक्तपुर रेडिमेड व्यापार संघका अध्यक्ष राजेन्द्रकुमार प्रजापतिलगायतले शुभकामना मन्तव्य दिएका थिए भने प्रमुख अतिथि, अतिथिलगायत सम्पूर्णलाई संघका उपाध्यक्ष रत्नकाजी छुँजुले धन्यवाद ज्ञापन गरे । सो कार्यक्रममा प्रमुख अतिथि प्रजापतिले कार्य समितिका सदस्यहरुलाई सम्मान गरेको थियो ।