एभरेष्ट इन्जिनियरिङ कलेज सानेपामा सकियो आरोहण २.०
असार २९, २०८१, शुक्रबार | दिउँसो ०२:१४ बजे | 5
ललितपुर । एभरेस्ट इन्जिनियरिंग कलेज सानेपा ललितपुरको आयोजनामा भएको एकदिने आरोहण २.० शुक्रबार सकिएको छ । विहान ११ बजे उदघाटन गरी सुरु भएको आरोहण साँझ सकिएको थियो ।
आरोहण, अन्वेषण दी इनोभेसन आरोहण २ कार्यक्रम भएको हो । यस क्रममा इन्टर कलेज टेक्निकल एक्जिविशन एण्ड कम्प्युटिशन पनि भएको थियो । कम्प्युटिशनका दस जोड दुई र इन्जिनियरिंग अध्ययन हुने काठमाडौं उपत्यकाका झण्डै दुई दर्जन कलेजहरुबाट विद्यार्थी प्रतिस्पर्धी रहेको कार्यक्रममा बताइयो ।
एकदिने कार्यक्रममा क्रममा विभिन्न प्रदर्शनीहरु तथा प्रतियोगिता भएको थियो । प्रदर्शनी तथा प्रतियोगिताहरुको आन्तरिक तथा बाह्य गरी एक हजार पाँंच सय विद्यार्थीले अवलोकन भ्रमण गरेको अनुमान गरिएको छ । प्रदर्शनी अवलोकनका लागि प्रवेश निःशुल्क थियो ।
समापन कार्यक्रममा प्रमुख अतिथि पोखरा विश्वविद्यलाय (पीयू) का रजिष्टार प्राडा दीपकबहादुर भण्डारीले शैक्षिक क्यालेण्डरलाई चुस्त दुरुस्त पार्न पोखरा विश्वविद्यालयले सवै कामहरु अनलाइनबाट पनि गर्न सकिने बताए । विश्वविद्यालयले शैक्षिक क्यालेण्डरलाई समयमै सकाउने कामलाई अझ तन्दुरुत बनाउन अनलाइन प्रविधिबाट काम थाल्न लागेको उनले जनाए । फारम, टान्सिकिप्टलगायतका सवै कामका लागि अनलाइनबाटै विद्यार्थीले भर्न सकिने बनाउन लागेको उनले जानकारी गराए ।
देशकै सवैभन्दा ठूलो त्रिभुबन विश्वविद्यालयको शैक्षिक क्यालेण्डर गंजागोल भइरहेको भनी आलोचना वढिरहँंदा पोखरा विश्वविद्यालयका रजिष्टार प्राडा भण्डारीले पोखरा विश्वविद्यालय (पीयू) ले चारवर्षे कोर्सको सर्टिफिकेट चारवर्षभित्रै दिंदै आएका बताए । पोखरा विश्वविद्यालयले शैक्षिक क्यालेण्डर अनुसार नै परीक्षा लिन, परीक्षाफल प्रकाशित गर्ने र सर्टिफिकेट दिंदै आएको उनले बताए ।
पहिला पनि नविगारेको र भविष्यमा पनि तलमाथि नहुने उनले स्पष्ट पारे । विश्वविद्यालयले परीक्षा भएको २८ देखि ५० दिनभित्र परीक्षाफल प्रकाशित गर्दै आएको उनले जनाए ।
कार्यक्रममा आयोजक कलेजका प्रमुख कार्यकारी अधिकृत (सिइओ) अरुणकुमार भण्डारीले विद्यार्थीको शैक्षिक गुणस्तरलाई अझ तेजिलो बनाउन पढाईका साथसाथै कलेजले समय समयमा विभिन्न कार्यक्रमहरु गर्दै आएको जानकारी गराए । कलेजका प्रिन्सिपल इन्जिनियर विनोद रिजालले आजका विद्यार्थीले अध्ययन अनुसन्धानमा जोड दिई मानब जातिको सहजताका लागि काम गर्नुपर्ने आवश्यकता औल्याए । भाइस प्रिन्सिपल इन्जिनियर राजन लामाले विद्यार्थीले सिकेको ज्ञानलाई कक्षाकोठामा मात्रै सिमित नपारी वर्षैपिच्छे आरोहण कार्यक्रम गर्दै आएको जानकारी गराए । कलेजमा दोश्रो पटक एकदिने आरोहण २ भएको उनले जनाए ।
कार्यक्रममा नेपाल इन्जिनियरिंग कलेजका पूर्व प्राचार्य प्राडा हरिकृष्ण श्रेष्ठ, काठमाडौं इन्जिनियरिंग कलेज कालिमाटीका प्रिन्सिपल प्राध्यापक हिरेन्द्रमान प्रधानलगायतले पनि इन्जिनियरिग क्षेत्रका विविध विषयमा चर्चा गरेका थिए । कार्यक्रमको समापनका क्रममा विभिन्न प्रतियोगिताका विजयीहरुलाई पुरस्कार तथा प्रमाणपत्र वितरण गरिएको थियो ।
फाेटाेमा हेर्नुहाेस्...
Comments
.jpg)
.jpeg)
.jpeg)
