अनौठो
जेठ २०, २०७९, शुक्रबार | विहान ०४:२२ बजे | 35
डा. सिता सुवेदी
मान्छेको जन्म र कर्म अनौठो
संसारको सृष्टि र सार अनौठोमान्छेको बानी र प्रवृत्ति अनौठो
उसको विचार र शैली अनौठो ! उसको विचार र शैली अनौठो ।
सद्गुण र असल कर्म अरूको
स्वीकार गर्नै नसक्ने ऊ
परिवर्तनको सिढी चढ्छु भन्छ
सङ्कीर्णताको जालोमा जेलिँदै गर्दा
उसको उत्कट धाक अनौठो ! उसको उत्कट धाक अनौठो ।
शून्य प्रतिफलको कर्म गर्दैसमृद्धिको सुनामीे ठान्छ आफूलाई
स्वीकार्दैन कसैका प्रेरक कार्यलाई
सधैँ उसको प्रतिवाद अनौठो ! सधैँ उसको प्रतिवाद अनौठो ।
कुहिएर विलय हुन बाँकी
झ्याउ लागेको अवशेष त्यो
बसेर कुवाभित्र देखाउँछ संसारको फुर्ति
आफूलाई सर्वज्ञ, मर्मज्ञ ठान्दैकठै ! टिठ लागेर आउँछ कुनै बेला
उसको अहङ्कारको अलङ्कार अनौठो !
उसको अहङ्कारको अलङ्कार अनौठो ।
मोती र सङ्खे किरा छुट्याउँदैन ऊ
भासका फसिरहेको बिचरो
के थाहा ? सागरमा मोती टिप्नेहरूका कथा
के थाहा ? सुनामी छलेर उठ्नेहरूका व्यथा
कठै ! त्यो दृष्टि र चेतना अनौठो !
उसको कुवाभित्रको संसार अनौठो ।
Comments
.jpg)
.jpeg)
.jpeg)
