अजम्मरी गायिका लतामा समर्पण
माघ २५, २०७८, मङ्गलबार | विहान ११:३८ बजे | 65
पदम दाहाल
लयदार लता सुर ताल ध्वनि
अनमोल अनम्य सुगन्ध तिमी।
अनुनाद निनाद निशान्त निशा
सुरिलो स्वर रम्य सुवास लता।१।
रहँदैन कुनै दिन जीवन यो
किन मर्छ कला र गलो छ भलोरु
जिउँदोपन ढल्दछ टुट्छ यहाँ
जब पुग्छ दिनै तन छुट्छ यहाँ।२।
भन के छ र खै सँग लान सँगैरु
पहिचान उचो जिउडाल छँदै ।
किन मर्छ र क्वै कृति कर्म हुँदारु
अवसान हुँदैन रहिन्छ सदा।३।
घरबार नभै धुन कर्मठले
अमरत्व मिलेछ महापथले।
लतिका कि लता स्वर कोकिलझैं
छ विनोद जता पनि गुञ्जनझैं।४।
कति मगमग गायन जगमगले
भँमरो छ कि सुन्दर गुनगुनले
सरिता रसिका बग गीत बनी
भव मोचन पार अपार जुनी
Comments
.jpg)
.jpeg)
.jpeg)
