अरनिकोद्धारा ज्यापु समाजलाई स्वास्थ्य सामाग्री हस्तान्तरण
भदौ ११, २०७८, शुक्रबार | विहान ०३:१८ बजे | 20
काठमाडौं । अरनिको समाजले ज्यापु समाज यललाई बिहिबार एक समारोहबीच मास्क, स्यानिटाइजर, थर्ममिटर, पीपीई, फेससिल्डलगायत कोभिड नियन्त्रणका स्वास्थ्य सामाग्री हस्तान्तरण गरेको छ । अरनिको समाजका अध्यक्ष डा.सर्वोत्तम श्रेष्ठले कोभिड–१९ महामारी नियन्त्रणमा ज्यापु समाजको महत्वपूर्ण भुमिका रहेको उक्त समाग्रीले सुरक्षित रहन केही हदसम्म मद्दत पु¥याउने विश्वास व्यक्त गरे । ज्यापु समाजका अध्यक्ष चन्द्र महर्जन र वरिष्ठ उपाध्यक्ष सन्तमान महर्जनले महामारीलाई लक्षित गरेर समाजले क्वारेन्टाइन सञ्चालनमा ल्याएको र निकट भविष्यमा पोलिक्लिनिक सञ्चालनमा ल्याउने योजना रहेको बताए ।
अरनिको समाजले यसअघि स्वास्थ्य मन्त्रालयलाई ५ करोड रुपैया मूल्य बराबरको एक लाख पीसिआर टेष्ट किट, वीर, ट्रमा सेन्टर, प्रहरी, निजामती कर्मचारी अस्पताल, क्षेत्रपाटी निशुल्क चिकित्सालय, ललितपुर सामुदायिक स्वास्थ्य हृदय सेवा केन्द्र, महालक्ष्मी उद्योग वाणिज्य संघलगायतलाई पनि स्वास्थ्य सामाग्री प्रदान गरेको थियो । समारोहमा अरनिको समाजका महासचिव सुशील प्रजापति, डा. कृष्णगोपाल महर्जन र अरनिको सांस्कृतिक प्रर्वद्धन तथा व्यावसायिक समाजका अध्यक्ष अजरमान जोशीलगायतको उपस्थिति थियो । अरनिको समाजमा चीनमा चिनिया“ भाषाबाट पढेर फर्किएका नेपालीहरुको संगठन हो ।
Comments
.jpg)
.jpeg)
.jpeg)
