भक्तपुर क्षेत्र नं २ का जनता कांग्रेसएमालेबाट वाक्कदिक्क भइसके, त्यसकारण मत फेर्ने योजनामा छन्ः जन्मदेब

भक्तपुर । प्रजातान्त्रिक लोकतान्त्रिक पार्टीकातर्फबाट भक्तपुर क्षेत्र नं २ का उम्मेदबार जन्मदेव जैसीले भक्तपुर क्षेत्र नं २ का जनता पुराना दलका रुपमा रहेका नेपाली कांग्रेस, नेकपा एमालेलगायतका दलहरुबाट वाक्कदिक्क भइसकेको दावी गरेका छन् । आफू मत माग्नका लागि जनताको घरदैलोमा जात्रे क्रममा यस्तो भेटिएको दावी उनले गरेका छन् ।
स्वतन्त्र पत्रकार संघ भक्तपुरले मंगलबार उनीसँंग गरेको साक्षात्कारमा उनले परम्परागत यस क्षेत्रका जनता नयाँं दलसँंग आकर्षित देखिएको बताए । भक्तपुर क्षेत्र नं २ का जनता अहिले नयाँं राजनीतिक दलको पक्षमा उभिएको पाएको छु, उनले भने, उनीहरु नयाँं दलहरुबारे बुझ्दै छन् ।
नयाँं भनेर आएका दलहरु पनि धेरै भएकाले उनीहरुकाबारेमा बुझ्दै गरेको उनको भनाई छ । तत्कालिन एकीकृत नेपाल कम्युनिष्ट पार्टी (एमाओवादी)बाट फुटेर जनादर्न शर्माको नेतृत्वमा बनेको आफूहरुको पार्टी पनि नयाँं नै भएकाले आफूले पनि सम्मानजनतक मत पाउने दावी उनले गरे ।
फरक प्रसंगमा उनले यस क्षेत्रमा सैद्धान्तिक कुरा हुनै नसकेको बताए । पार्टी नीति सिद्धान्त भन्दा पनि ठूला दलहरुका ठूला उम्मेदबारहरुले साना साना विकास निर्माणका कुराहरुमा जनतालाई झुलाइरहेको उनले बताए । नीति राम्रो बनेपछि विकास आफैं त्यही अनुसार अगाडि वढ्छ, उनले भने । उनले त्यस विषयमा ठूला दलका उम्मेदबार नेताहरु चुकेको समेत बताए ।
अर्काे प्रसंगमा उनले आफू यस क्षेत्रको लागि टुरिष्ट उम्मेदबार नभएको जानकारी गराए । उनले आफ्नो जन्मोथलो कालिकोट भए पनि कर्मथलो भक्तपुर भएकाले आफू यस क्षेत्रका लागि अपरिचित नभएको उनले स्पष्ट पारे । आफू यस क्षेत्रको मध्यपुर थिमि नगरपालिका नीलबाराहीबासी भएको जानकारी दिंदै उनले यहाँंका जनताको पिरमर्कालाई आफाूले नजिकबाट बुझेको दावी गरे ।
दशक बढी समयदेखि यही क्षेत्रमा बस्दै आएकोले आफूले मतदाताहरुसँंगको भेटघाटमा आफनो पक्षमा पनि माहोल बनेको दावीसमेत उनले गर्न भ्याए । 
कार्यक्रमको सञ्चालन संघका जिल्ला उपाध्यक्ष मणिराम लामिछानेले गरेका थिए । संघले दैनिक नियमित रुपमा एकएक जना उम्मेदबारहरुसँंग प्रसतिबद्धता सार्वजनिक तथा साक्षात्कार गर्दै आएको छ । पहिलो पटक जिल्ला निर्वाचन कार्यालय सल्लाघारीका प्रमुख प्रकाश मगरबाट कार्यक्रम थालनी भएको थियो ।
भक्तपुर क्षेत्र नं २ मा हेभी वेट उम्मेदबारहरु पनि यस क्षेत्रमा उम्मेदबारका रुपमा छन् । यस क्षेत्रमा नेकपा एमालेका सचिव महेश वस्नेत, नेपाली कांग्रेसबाट कविर राणा, नेपाल मजदुर किसान पार्टीबाट रमेश वैद्य उम्मेदबार छन् । साथै राष्टिय स्वतन्त्र पार्टीबाट राजीव खत्री, नेपाली कम्युनिष्ट पार्टीबाट रामप्रसाद सापकोटा दीपशिखा, राष्टिय प्रजातन्त्र पार्टीबाट विक्रम थापा, उज्जालो नेपाल पार्टीबाट जीतमान लामालगायतका उम्मेदबारहरु पनि यस क्षेत्रमा रहेका छन् । यस निर्वाचन क्षेत्रबाट विभिन्न राजनीतिक दल  र स्वतन्त्र गरी कुल ३२ जना उम्मेदबारहरु चुनावी मैदानमा छन् ।
यस निर्वाचन क्षेत्रमा हालसम्म नेपाली कांग्रेसले २०४८, २०५६, २०७० र २०७९ गरी चार पटक विजय हासिले गरेको छ । नेपाल मजदुर किसान पार्टीले २०५१ र २०६४ गरी दुई पटक जित निकालेको थियो । यस्तै नेकपा एमालेले २०७४ सालमा एक पटक जित निकालिसकेको छ । यस क्षेत्रमा २०४८ मा नेपाली कांग्रेसका जग्गनाथ आचार्य, २०५१ सालमा नेपाल मजदुर किसान पार्टीका आशाकाजी बासुकला, २०५६ सालमा कांग्रेसका लेखनाथ न्यौपाने, २०६४ मा नेपाल मजदुर किसान पार्टीका सुनिल प्रजापति, २०७० सालमा नेपाली कांग्रेसका रामेश्वर थापा, २०७४ सालमा एमालेका महेश वस्नेत र यसअघिको २०७९ सालको निर्वाचनमा नेपाली कांग्रेसका जिल्ला सभापति दुर्लभ थापा निर्वाचित भएका थिए । यस निर्वाचन क्षेत्रमा भक्तपुरको मध्यपुर थिमि नगरपालिका र सूर्यविनायक नगरपालिका गरी दुई वटा नगरपालिकाहरु पर्दछन् । यी दुई नगरपालिकामध्ये मध्यपुर थिमि नगरपालिकामा ९ वटा र सूर्यविनायक नगरपालिकामा १० वटा गरी कुल १९ वटा वडाहरु रहेका छन् । यहाँं कुल ९८ हजार तीन सय ५६ मतदाता रहेका छन् ।