आशिर्वाद र सुखको दशैं टीका
असोज १६, २०८२, बिहीबार | दिउँसो १२:५२ बजे | 75
सत्यराम कासिछ्वा
रंगीचंगी फूलहरुले ढाकेको त्यो आवरण
चारैतिर फिँजिएको रमाइलो वातावरण
वसन्त पछि चराचुरुङ्गीको चिरविर
मौलिक संस्कृतिमा रमाउने त्यो तस्बिर
सुख समृद्धिको त्यो घटस्थापना
एकले अर्कोलाई शुभकामना
बच्चादेखि बृद्धा सबैमा हुन्छ रमाइलो
आकाशमा रंगीचंगी चङ्गाको घमाइलो
वसन्तपछि फुल्छन् अनेकौं जातका फूल
कतै बिर्सेका त छैनन् प्रकृतिले आफ्नो भुल
हिमाल नि मख्ख छन् हिउँ जम्ने आशामा
मयुर नाच्छ समृद्धिको लहर ल्याउने तराईमा
रंगीचंगी फूलहरुको रस चुस्ने भमरा
सुख शान्ति र समृद्धिको त्यो जमरा
आशिर्वाद र सुखको दशैं टीका
निधार रंगाई समृद्धिको कामना
गाउँघरमा भित्रिएको युवाको साथ
अब क्षणिक हुनुहुन्न समृद्धिको हात
हरियाली स्रोतसाधनको मनमोहक
समृद्धि र शान्तिपुर्ण अबको चमक
Comments
.jpg)
.jpeg)
.jpeg)
