कुलमान घिसिङ काठमाडौं इन्जिनियरिङ कलेज, कालिमाटीमा

प्राधिकरणलाई मात्र ५०० वढी इलेक्ट्रिकल इन्जिनियरिङ चाहिने

नेपाल विद्यूत प्राधिकरणका पूर्व प्रवन्ध निर्देशक कुलमान घिसिङले नेपालमा नेपाल विद्युत प्राधिकरणलाई मात्र ५०० वढी इलेक्ट्रिकल इन्जिनियरिङ चाहिने वताउनु भएको छ । 'समय अनुकूल आधुनिकरण रसशक्तिकरण गर्ने हो भने प्राधिकरणलाई मात्र ५०० वढी  इलेक्ट्रिकल इन्जिनियरिङ चाहिन्छ । अरु निजी हाइड्रोपावर र कम्पनीको लागि त अझ हजार वढी इलेक्ट्रिकल इन्जिनियरिङ आवश्यक छ । सरकारको एउटा नितीले दक्ष जनाशक्तिको आवश्यकता र उत्पादकत्वमा कायापलत ल्याउन सक्छ ।‘  पूर्व प्रवन्ध निर्देशक घिसिङले भन्नु भयो ।

इलेक्ट्रिकल इन्जिनियर घिसिङले उक्त कुरा शुक्रवार काठमाडौं इन्जिनियरिङ कलेज, कालिमाटीमा आयोजित एक प्रवचन कार्यक्रममा वताउनु भएको हो ।

केईसी इलेक्ट्रिकल क्लवद्वारा आयोजित 'एकीकृत जलस्रोत व्यवस्थापन मार्फत आर्थिक रूपान्तरण (Economic Transformation Through Integrated Water Resource Management)' विषयक उक्त प्रवचन कार्यक्रममा उहाँले जलश्रोतको विविध महत्व र उपादेयतावारे प्रकाश पार्नु भएको थियो । उहाँले सफा खानेपानी, सिँचाइ, खाद्यान्न उत्पादन, जलयातायात, जलपर्यटन, पर्यावरण, जल विद्युत लगायतका क्षेत्रमा जलश्रोतको महत्वपूर्ण उपायोगिता रहेको स्पष्ट पार्नु भयो । ठूल्ठूला जलाशय हरु निर्माण गरेर नेपाल को १७लाख हेक्टर खेतियोग्य जमीनमा सिचाइँको प्रवन्ध गर्न सक्ने र ८३ हजार मेघावाट विजुली निकाल्न सक्ने अवधारणा प्रस्तुत गर्नु भयो ।

 उहाँले  अहिले नेपालको प्रतिव्यक्ति विद्युत उपायोगिता ४०० युनिट मात्र रहेको र नर्वे जस्ता विकसित देशमा प्रतिव्यक्ति विद्युत उपायोगिता २६००० युनिट रहेकोले नेपालमा विद्युतको वजार विशाल रहेको प्रष्ट पार्नु भयो । 

कार्यक्रममा कलेजका अध्यक्ष तथा प्राचार्य प्रा. इ. हिरेन्द्रमान प्रधानले काठमाडौं इन्जिनियरिङ कलेजद्वारा वेला वेलामा आयोजना गरिने यस्ता विषय विज्ञहरुको प्रवचन, कार्यशाला र गोष्ठीहरुले विद्यार्थीहरुको वृहत्ततर विकास गर्ने विश्वास व्यक्त गर्नुभयो ।

इलेक्ट्रिकल विभागका सल्लाहकार प्रा डा इन्द्रमान ताम्राकार र इलेक्ट्रिकल क्लवका अध्यक्ष रेफिना श्रेष्ठले पनि वोल्नु भएको उक्त कार्यक्रममा कलेजका सिनियर भाइस प्रिन्सिपल एसोसिएट प्रोफेसर आ. शैलिता मानन्धर जोशी, भाइस प्रिन्सिपल एसोसिएट प्रोफेसर इ. अर्जुन पौडेलको पनि उपस्थिति थियो । प्रवचनपछि  प्रश्नोत्तर कार्यक्रम समेत भएको र कार्यक्रममा विद्यार्थीको उत्साजनक सहभागिता रहेको एसोसिएट प्रोफेसर इ. श्रीकृष्ण सुलुले वताउनु भयो ।