एक्टिभ इंग्लिस स्कुलद्धारा १८ विद्यार्थी दीक्षित

सागर गुरागाईं
मध्यपुर थिमि । मध्यपुर थिमि नगरपालिका वडा नं. ६ चपाचोस्थित एक्टिभ इंग्लिस स्कुलद्धारा कक्षा युकेजीको अध्ययन पुरा गरेका १८ जना विद्यार्थीहरुलाई दिक्षित गरियो । एक्टिभ स्कुलका निर्देशक आशाहरि प्रजापतिको सभापतित्वमा भएको उक्त कार्यक्रमको उद्घाटन गर्दै मध्यपुर थिमि नगरपालिका वडा नं. ६ का वडाध्यक्ष ज्ञानदास प्रजापतिले विद्यार्र्थीहरुलाई किताबी ज्ञानसँगै असल संस्कार र नैतिकताका कुराहरु पनि सिकाउनु पर्नेमा जोड दिँदै न्यून शुल्कमा गुणस्तरीय एवं व्यवहारिक शिक्षा मार्फत विद्यार्थीहरुको सर्वा»्गीण विकासमा एक्टिभ स्कुलले पु¥याएको योगदानको प्रशंसा गर्दै शुभकामना मन्तव्य व्यक्त गर्नुभयो । कार्यक्रममा मध्यपुर थिमि नगरपालिका शिक्षा शाखाकी प्रतिनिधि धना गिरी, स्थानीय समाजसेवी एवं शिक्षाकर्मी दिलकृष्ण प्रजापति, समाजसेवी एवं योगगुरु हेमा प्रजापति लगायतका अतिथिवक्ताहरुले एक्टिभ स्कुलले पढाइलेखाइसँगै असल संस्कार र अतिरिक्त क्रियाकलाप मार्फत प्रतिस्पर्धी नागरिक तयार गरिरहेको भन्दै अभिभावकहरुले पनि आफ्नो बालबच्चाको असल संस्कार र आचरणका विषयमा सदैव सचेत हुनुपर्नेमा जोड दिनुभयो । स्कुलका निर्देशक आशाहरि प्रजापतिले स्कुलले समय सापेक्ष प्रविधिमैत्री शिक्षण सिकाईदेखि गुणस्तरीय शिक्षाको लागि तालिम प्राप्त शिक्षकशिक्षिकाद्धारा सेमिमन्टेश्वरी विधि मार्फत अध्यापनको व्यवस्था मिलाइएको जानकारी दिनुभयो । निर्देशक प्रजापतिले प्रोजेक्टर मार्फत जानकारी दिदैं स्कुलको अध्यापन विधि, तरिका र प्रणाली सहित समयसापेक्ष गुणस्तरीय शिक्षाका लागि प्रयासरत रहेको बताउनुभयो । स्कुलका प्रिन्सिपल विजय प्रजापतिले स्कुलको वार्षिक प्रगति प्रतिवेदन पेश गर्दै शिक्षक, अभिभावक र विद्यार्थीको त्रिकोणात्मक प्रयासबाट गुणस्तरीय शिक्षा प्राप्त हुने भएकोले एक्टिभ स्कुलले अभिभावक भेला मार्फत समयसमयमा विद्यार्थीको प्रगति सम्बन्धि जानकारी दिदंै आएको बताउनु भयो । कार्यक्रममा कक्षा नर्सरी, एलकेजी र युकेजीका विद्यार्थीहरुले नृत्य, गायन, भेषभूषा प्रर्दशन आदि मार्फत आआफ्नो प्रतिभा प्रस्तुत गरेका थिए । दीक्षित विद्यार्थीहरुलाई रातो टिका, खादा, टोपी, प्रमाणपत्रद्धारा सम्मानित गरिएको थियो । कक्षा नर्सरी, एलकेजी र युकेजीको सत्रान्त परीक्षाको परीक्षाफल एवं उनीहरुको समग्र मुल्याकंन पश्चात् प्रत्येक कक्षाबाट ३=३ जना विद्यार्थीहरुलाई विशेष पुरस्कार प्रदान गरिएको थियो । उक्त कार्यक्रममा विद्यालयका कर्मचारीद्धय गीता शाक्य र गोमा खत्रीलाई नगद सहित प्रशंसापत्र प्रदान गरिएको थियो । कार्यक्रममा विद्यालयका शिक्षकहरु निश्चल पहाडी, प्रमिला नकर्मी र अनिशा बाडे लगायले दीक्षान्त कार्यक्रमको उद्देश्य र महत्वबारे प्रकाश पार्नु भएको थियो । कार्यक्रममा अभिभावकहरु सीता मानन्धर र मालती सुनुवारले एक्टिभ इंग्लिस स्कुलको अध्यापन विधि, व्यवहारिक ज्ञान र अतिरिक्त क्रियाकलापको प्रशंसा गर्दै आआफ्नो धारणा राख्नु भएको थियो । एक्टिभ इंग्लिस स्कुलको सभाहलमा भएको उक्त प्रिस्कुल दीक्षान्त कार्यक्रममा पूर्वप्राथमिक तहका विद्यार्थी एवं अभिभावकहरुको बाक्लो उपस्थिति रहेको थियो ।