माओवादी निकट तामाङ राष्ट्रिय मुक्ति मोर्चाको अध्यक्षमा डिल्लीमान
असार ११, २०८१, सोमबार | विहान ०९:११ बजे | 65
काठमाडौं : नेकपा माओवादी केन्द्र निकट तामाङ राष्ट्रिय मुक्ति मोर्चा नेपालको अध्यक्षमा डिल्लीमान तामाङ निर्वाचित भएका छन्।
काठमाडौंमा सम्पन्न ७ औं राष्ट्रिय महाधिवेसनले तामाङको अध्यक्षमा १५१ सदस्यि कार्यसमिति सर्वसम्मत चयन गरेको हो। वरिष्ठ उपाध्यक्षमा सोमबले तामाङ, उपाध्यक्षहरुमा मनोज तामाङ, गोपिलाल सिङतान, बेतीबहादुर मुक्तान, हरिजंग तामाङ, अविरल जिम्बा, हिमाली गोले र प्रेमकुमार लामा निर्वाचित भएका छन्। यस्तै महासचिवमा लिलाकुमार घलान तामाङ, सचिवहरुमा मिलन तामाङ र रक्षबहादुर तामाङ(युनिक) र कोषाध्यक्षमा उषा तामाङ चयन भए। लामो समय निश्कृय रहेको माओवादीका जातिय मोर्चाहरु पछिल्लो समय पुनरजिवित हुन थालेका हुन्। मोर्चाको महाधिवेसनको पार्टी अध्यक्ष एवं प्रधानमन्त्री पुष्पकमल दाहाल प्रचण्डले उद्घाटन गरेका थिए।
Comments
