म हराए भनेँ
जेठ ३२, २०८०, बिहीबार | दिउँसो ०३:४४ बजे | 35
(कञ्चन जिआर)
कहिले तिम्रो आँखामा
त कहिले तिम्रो मुटुमा
लुकामारी खेल्ने छु
म तिम्रै परेलिमा।
दायाँ बाहा नहेर्नु तिमी
कतै म बिलाए भनेँ
तिमी भित्रै खोज्नु मलाई
साच्चै म हराए भनेँ ।
कहिलेकाँही त गाड्याङगुडुङ गर्दै
आकाशले पनि तर्साउछ मलाई
ती पल अङालोमा तानी
च्याप्प अङ्गालनु मलाई
कतै म डराए भनेँ ।
तिम्रो प्रेममा बेग्लै नसा छ
तिमी भित्र बेग्लै अदा छ
त्यो प्रेम के प्रेम
जस्मा कुनै पागलपन नै छैन भने
सम्हाल्नु मलाई बेहोसिमा
तिम्रोनाउ लिइ, कराए भनेँ ।
कि त हराउन देउ मलाई
तिमी भित्रै, तिमी नै बनेर
अनि खोज्नु मलाई
आँखा भित्र
मुटु भित्र
तिमी नै तिमी भित्र ।
Comments
.jpg)
.jpeg)
.jpeg)
