पुनः टोल टोलमा रक्तदान गर्दै सुडाल रेडक्रस
भदौ ८, २०७७, सोमबार | विहान ११:१४ बजे | 30
भक्तपुर । चाँगुनारायण नगरपालिका वडा नं. ८ सुडालमा पुनः टोल टोलमा रक्तदान अभियान शुरु भएको छ ।
कोरोना भाइरसको संक्रमण बढ्दै गएपछि भएको बन्दाबन्दी र निषेधाज्ञाका कारण भक्तपुर रक्तसञ्चारमा रगतको अभाव भएकोले नेपाल रेडक्रस सोसाइटी सुडाल उपशाखाले टोल टोलमा रक्तदान अभियान सञ्चालन गरेको हो । शनिबारचा.न.पा. ८ को सुडालमा २५ जना पुरुष र १ जना महिला र मणिकर्णिका स्थानमा २२ जना पुरुष र १जना महिला सोमबार सय वंगालमा ३४ जना पुरुष र १ जना महिला गरी ८४ जनाले रक्तदान गर्नुभएको छ ।
यसअघि चैत्र ११ गतेबाट शुरुभएको लकडाउनका समयमा पनि रगतको अभाव भएपछि सुडाल उपशाखाले आफ्नो क्षेत्रबाट रक्तदान टोलटोलमा शुरु गरेपछि जिल्ला व्यापी रुपमै रक्तदान कार्यक्रम आयोजना भएकोले अहिले पनि सुुरक्षित तवरले रक्तदान गर्न सकिन्छ भन्ने सन्देश दिदै रगतको अभावलाई पनि केहि सहजबनाउन सकिन्छ कि भनेर टोल टोलमा रक्तदान कार्यक्रमको आयोजना शुरु गरिएको उपशाखा सभापति विदुर नेपालले जानकारी दिनुभयो । जनक खत्री, जयराम लामा, विक्रम थापा, उपेन्द्र कार्की लगायत उपशाखा कार्य समिति र युवा सर्कलहरुको सक्रियता र पहलमा सुडाल उपशाखाले रक्तदान कार्यक्रमको आयोजना गर्दै आएको छ । रगतको कमी हुने वित्तिकै साथीहरु रक्तदान कार्यक्रममा अग्रसर हुनुहुन्छ । त्यसैले यसपटकको बन्दाबन्दी र निषेधाज्ञाको समयमा पनि रक्तदान शुरु गरेका छौं, उपशाखा सभापति नेपालले बताउनुभयो ।
[[img2]]
सुरक्षाको उपाय अपनाएका छौं, रगतको आवश्यक पर्ने विरामीका लागि तत्कालै रगत उपलब्ध गराउन नसकिएकोले टोल टोलमा पुगी, भिडभाड नगरी, स्वास्थ्य सुरक्षाको मापदण्ड अनुसार रगत संकलन गरिएको नेपाल रेडक्रस सोसाइटी जिल्ला शाखा भक्तपुरका मन्त्री परशुराम पाण्डेले बताउनुभयो । रक्तदान कार्यक्रम आयोजना गर्ने उपशाखा स्थानीय नै हुन्छन जसले रक्तदाताको ट्राभल हिस्ट्री र स्वास्थ्यका बारेमा अवगत हुन्छन । त्यत्तिमात्रै रक्तदान अगाडि तापक्रम सहितको स्वास्थ्य जाँच पनि हुन्छ, जिल्ला शाखाका भक्तपुरका सभापति मनोज कुमार थापाले भन्नुभयो ।
[[img3]]
रक्तदानका लागि अपिलरगतको मागभइरहेको तर रक्तदान नभएकोले रक्तदानका लागि नेपाल रेडक्रस सोसाइटी जिल्ला शाखा भक्तपुरले अनुरोध गरेको छ । रगत नपाए भक्तपुर जानु भन्ने अभियानलाई निरन्तरता दिदै यो असहज परिस्थितिलाई सहज बनाउनका लागि सरोकारवाला सबैलाई रक्तदानको वातावरण बनाई सहयोग गरिदिनुहुन नेपाल रेडक्रस सोसाइटी जिल्ला शाखा भक्तपुरले अनुरोध गरेको छ । हामीप्रशासन, स्थानीयपालिकाहरुसँग अनुमति लिन र सुरक्षाका मापदण्ड अपनाउन तयार रहेको बताउँदै शाखाका सभापति मनोज कुमार थापाले रक्तदानगर्ने व्यक्ति तथा संघ संस्थाले भनेको स्थानमै गई रगत संकलन गरिने बताउनुभयो । उहाँले विगतमा जस्तैं यो असहज परिस्थितिमा पनि रक्तदानमा सबै पक्षबाट सहयोग मिल्नेमा विश्वास व्यक्त गर्नुभयो ।
फाेटाेमा हेर्नुहाेस्...
Comments
.jpg)
.jpeg)
