दुई कोरोना संक्रमित भागेपछि
साउन २२, २०७७, बिहीबार | दिउँसो ०३:१८ बजे | 50
काठमाडौं । काठमाडौंको टेकुस्थित शुक्रराज ट्रपिकल तथा सरुवा रोग अस्पताल भर्ना हुन गएका दुई जना कोरोना संक्रमित भागेका छन् ।
घटना विवरणअनुसार बुधबार दिउँसै पुगेका दुई भारतीय संक्रमित भन्नेबित्तिकै शैय्या नपाएको भन्दै साँझपख भागेका हुन् । ‘शैय्या व्यवस्थापनको तयारी हुँदै थियो, साँझपख भागेछन्,’ अस्पतालका एक चिकित्सकले भने ।
उनीहरू भागेको जानकारी पाएपछि अस्पालका चिकित्सक दिनभरि खोजीमा लागे । यसबारे अस्पतालले राष्ट्रिय इपिडिमियोलजी तथा रोग नियन्त्रण महाशाखालाई पनि जानकारी गराइसकेको छ ।
‘भागेपछि उनीहरूबाट अरू धेरै जनालाई कोरोना सर्ने भएकाले यो जोखिमको विषय हो,’ एक चिकित्सकले भने ।
हराएका दुवै जनालाई महाशाखा सर्भिलेन्स शाखाले डिएसए (फोनको नक्स अनुसार व्यक्ति पत्ता लगाउने) विधिअनुसार खोजी भइरहेको एक अधिकारीले नागरिकलाई जानकारी दिएका छन् ।
Comments
.jpg)
.jpeg)
