प्यम्ह पत्रकारपिन्त सिरपाः बिइगू

कृष्ण प्रजापति
पत्रकारिता ख्यलय् पलाः न्ह्याकाः वयाच्वंपिं नेवाः पत्रकारपिन्त वयकःपिनिगु योगदानया कदर यासे थीथी सिरपाः लःल्हाइगु जुउगु दु । नेवाः पत्रकार राष्ट्रिय दबूया गुक्वःगु दँ मुँज्या यलया च्यासलय् थ्वहे वइगु ने.सं. ११४२ कछलागा अमाइ (सनिवाः मंसीर १८ गते) जुइत्यंगु दु । उगु दँ मुँज्याय् प्यम्ह पत्रकारपिन्त सिरपाः बिइगु खँ दबू सूत्रं जानकारी बिउगु दु ।
थ्वहे झ्वलय् ताःईनिसें पोखराय् च्वनाः पत्रकारिता यानाच्वनादीम्ह उदय बहादुर अमात्ययात ’ज्ञानज्योति–लक्ष्मीप्रभा स्मृति पत्रकारिता पुरस्कार ११४२’ हनापौ नापं नगदपाखें नं हनेज्या याइगु जुउगु दु । अथेहे बोधि टेलिभिजन एचडीया ज्याझ्वः न्ह्याकाच्वनादीम्ह विमला शाक्ययात ‘भिक्षु कुमार काष्यप स्मृति पत्रकारिता सिरपाः’ अले प्रशान्त मालीयात ‘ज्ञानदेवी–मणिरत्न स्थापित स्मृति पत्रकारिता सिरपाः’ व फोटो पत्रकारया रुपय् म्हसिका दुम्ह स्वतन्त्र सञ्चारकर्मी पद्मसागर कक्षपतियात ‘बाबुराजा ज्यापु फोटो पत्रकारिता सिरपाः’पाखे हनेज्या याइगु जुगु दु । उगु ज्याझ्वलय् मूपाँहा कथं संघीय मामिला तथा सामान्य प्रसाशन मन्त्री राजेन्द्र श्रेष्ठ ब्बनातःगु दु ।