फ्रान्सय् शताब्दी पुरुष सत्यमोहन जोशीया प्रतिमा तइगु
कार्तिक २९, २०७८, सोमबार | दिउँसो ०१:५३ बजे | 65
ललितपुर । ललितपुर महानगरपालिकाया मेयर चिरिबाबु महर्जन मेयरतय्गु सम्मेलनय् ब्वति कायेत फ्रान्स थ्यंगु दु । मेयर महर्जनं शताब्दी पुरुष व संस्कृतिविद् सत्यमोहन जोशीया प्रतिमा फ्रान्सया छगू शहरय् दयेकेगु समझदारी पत्रमा हस्ताक्षर यायेगु ज्याठवः तःगु दु । ललितपुर महानगरपालिकां पित ब्यूगु प्रेस विज्ञप्तिइ फ्रान्सका प्वाङ्मय शताब्दी पुरुष, संस्कृतिविद् सत्यमोहन जोशीया प्रतिमा फ्रान्सया छगू शहरय् तयेगु नितिं समझदारी पत्रमा हस्ताक्षर यायेगु ज्याठवः दुगु खँ न्ह्यथंगु दु । फ्रान्सया थीथी शहरया मेयरतय्गु सम्मेलनय् मू अतिथिया कथं ब्वति कायेत मेयर महर्जन फ्रान्स वंगु खः । मेयर महर्जनं नेपाःया २५ गूसिब्ये अप्वः स्थानीय तह व फ्रान्सय थीथी स्थानीय तह दथुइ भगिनी स्वापू तयेगु नितिं समन्वय यायेतयंगु दु ।
Comments
