नेपाल संवत सम्वन्धी न्हूगु एप्स सार्वजनिक, शंखधर उद्यानय् शंखधर दिवस न्यायेकीगु

कृष्ण प्रजापति
शंखधर राष्टिय प्रतिष्ठानया ग्वसालय् नासा नापं सम्वन्वय यानाः नेपाल संवत सम्वन्धी न्हूगु एप्स सार्वजनिक याःगु दु । उगु एप्स कथं बैज्ञानिक संवत कथं नेपाल संवतयात तयेगु लागिं बिक्रम संवत वा ईश्वी सम्वत मध्ये छुं छगू मिति तल धाःसा उकियात तत्काल नेपाल संवतपाखे पदार्पण याये फइगु जूगु दु । अथेहे विक्रम संवत छगू जक मिति तल धाःसां नेपाल संवतया तिथि मिति व ईश्वी संवतया साल व तारेख तकं स्पष्ट वइगु ब्यवस्था जूगु दु । उकिया लागिं शौनक रंजितकारं अन्तर्राष्टिय ज्योतिष संस्था नासा नापं समन्वय यानाः उगु एप्स तयार यानादीगु खँ पत्रकार सम्मेलन यानाः जानकारी बिउगु खः ।
    शंखधर राष्टिय प्रतिष्ठानया हलय् जूगु पत्रकार सम्मेलनय् संस्थाया अध्यक्ष चन्द्रकृष्ण श्रेष्ठं थुगु एप्स छ्यलेवं संसार न्यंकं च्वंपिं सकसिनं थःगु छगू जक जन्म तिथि छुं छगू संवत कथं प्राप्त याये फत धाःसा उकियात हे थीथी मेमेगु संवतपाखें हुबहू प्राप्त यायेफइगु जानकारी बियादिल । संवत बारे तसकं दुग्यंका अध्ययन यानालिं झिंछसः दँ न्ह्यः हे थज्याःगु बैज्ञानिक ढंगं उगु संवत तयार जुयाच्वंगु अजू चायेफुगु खँ जूगु शौनक रन्जितकारं स्लाइड मार्फत् जानकारी बियादिल । उगु एब्स आः चरिकोट, पोखरा, येँ नापं थीथी जिल्लाय् न्हूदँ कुन्हु छक्वलं सार्वजनिक यायेत्यंगु दु । थुकिं रञ्जना लिपि, देवनागरी लिपि व रोमन लिपि नं छ्यलेफइगु ब्यवस्था दु ।