थुगुसी नेपाल संवत् न्हूदँ ११४२ या नारा ः झीगु म्हसीका झीगु गौरव, राज्यं छ्यलेमाः नेपाल संवत’

कृष्ण प्रजापति
‘राष्ट्रिय जनगणनाय् झीगु सहभागिता ः झीगु सजगता, झीगु आवश्यकता’ नेपाःया थःगु मौलिक संवत नेपाल संवतयात हाकुतिना कर्किया संवतयात मान्यता बियाः सरकार न्ह्याः वनाच्वंगु दु । निरंकुश पंचायती शासनया अन्त्य यायेधुंकाः प्रजातान्त्रिक बहुदलीय सरकार वःसां नं व गणतान्त्रिक शासन पद्धति जूसां नं नेपाल सरकारं थःगु हे देसया नामं नीस्वनातःगु मौलिक संवत नेपाल संवत छ्यलाबुलाय् हःगु मदुनि । सरकारं नेपाल संवतयात मान्यता ब्यूगु घोषणा याःसां नं जनस्तरं बाहेक राज्यस्तरं थुगु संवतयात कःघाःगु मदुनि ।
थ्वहे खँयात वाःचायेकाः नेपाल सरकारयात ध्यानाकर्षण याकेगु आज्जुं दँय् दसंथें तुं थुगुसी नं न्हूदँया झ्वलय् न्हूगु नारा सार्वजनिक याःगु दु । नेपाल संवत न्हूदँ राष्ट्रिय समारोह समिति ११४२ पाखें थुगुसी न्हूगु नारा सार्वजनिक याःगु खः । उगु न्हूदँ समारोह समिति ११४२ पाखें न्हूगु नारा ‘झीगु म्हसीका झीगु गौरव, राज्यं छ्यलेमाः नेपाल संवत’ धैगु मू नारा ब्यूगु दुसा राष्ट्रिय जनगणनायात ध्यानय् तयाः ल्यू नारा ‘राष्ट्रिय जनगणनाय् झीगु सहभागिता ः झीगु सजगता, झीगु आवश्यकता’ धैगु सार्वजनिक याःगु दु ।