छम्ह हे मनू कांग्रेसया वडा उपसभापति व एमालेया सचिवय् निर्वाचित
कार्तिक ८, २०७८, सोमबार | विहान ०५:४९ बजे | 35
कृष्ण प्रजापति
दार्चुलाय् नेपाली कांग्रेससया अधिवेशनपाखें वडा उपसभाापतिइ निर्वाचित जूम्ह व्यक्ति नेकपा एमालेया वडा सचिवय् नं निर्वाचित जूगु दु । वंगुु असोज ९ गते क्वचाःगुु नेपाली कांग्रेसया वडा महाधिवेशनपाखें शंंककर सिंह डोबाल महाकाली नगरपालिका २ या उपसभापति पदय् निर्वाचित जूगु खः । वहे डोबाल शनिवाः क्वचाःगु नेकपा एमालेया वडा अधिवेशनय् सचिव पदय् निर्वाचित जूगु दु ।शनिवाः क्वचाःगु वडा अधिवेशनय् वीर सिंह डोबाल अध्यक्ष व शंकर सिंह डोबाल सचिवय् ल्यःगु नेकपा एमाले दार्चुलां जानकारी ब्यूगु दु । शंकर सिंह डोबालयात न्हापां पार्टीइ प्रवेश याकाः सचिव पदय् उम्मेदवारी बिइकागु एमाले दार्चुलाया प्रचारप्रसार विभाग प्रमुख खडक बडालं धाःगु दु । नेकपा एमाले दार्चुलां शनिवाः ६१ गू वडात मध्ये आपालं वडाय् वडा अधिवेशन क्वचायेकूगु दु ।
Comments
