थौ नं भिटामिन ए नकिगू ः येँय् ८० हजारम्हेसित भिटामिन ए व किमिया वासः नकेगु आज्जु

कृष्ण प्रजापति
येँ महानगरपालिकां आइतवाः व सोमवाः यानाः थःगु क्षेत्रया थ्यंमथ्यं ८० हजारम्ह मचातय्त भिटामिन ए व किमिया वासः नकेगु आज्जु तःगु दु । राष्ट्रिय भिटामिन ए ज्याझ्वःया न्हापांगु चरण अन्तर्गत येँ महानगरं थ्व आज्जु तःगु खः । थौं आइतवाः वडा ल्याः २१ या क्लिनिकय् थ्यंकाः येँ महानगरपालिकाया मेयर विद्यासुन्दर शाक्यं ज्याझ्वःया उलेज्या याःगु खः । महानगरं २९७ गू बुथपाखें ज्याझ्वः न्हयाकेन ५५८ म्ह मिसा स्वास्थ्य स्वयंसेविका परिचालन याःगु दु ।
    ज्याझ्वः उलेज्या यासें मेयर शाक्यं महानगरं न्ह्याकूगुु निःशुल्क स्वास्थ्य सेवाय् सेवाग्राहीया आकर्षण अप्वयेकेगु कथं विश्वसनीय सेवा बिइत स्वास्थ्यकःमिपिन्त आग्रह याःगु दु । मेयर शाक्यं धाःगु दु, जिमिसं आधारभूत स्वास्थ्य सेवा निःशुल्क बियाच्वनागुु दु । तर गुलिखे सेवाग्राहीपिं दां पुुलाः नीजि क्लिनिकय् वनाच्वंगुु दु । वंगु दँँ जिमिसं वितरणया नितिं तयार यानागु फुक्क वासः वितरण मजुुल । जिमिसं निःशुल्क सेवा बिइधाःसां नं नागरिक छाय् नीजिपाखे आकर्षित जूगु खः ? जिमिसं थःपिनिगु सेववाया समीक्षा यायेमाः । झीगुु स्वास्थ्य सेवाय् नागरिककपिनिगु आकर्षण अप्वयेकेमाः ।
    महानगरया जनस्वास्थ्य अधिकृत मञ्जुु  मास्केया कथ. २०७८ बैशाख ६ व ७ गते न्ह्याकूगु ज्याझ्वलय् ६ महिनानिसें दच्छितकया ५ हजार ९९५ म्ह व दच्छिनिसें न्यादँतकया ५३ हहजार ५४३  म्ह यानाः ५९ हजार ५३८ म्हेसित भिटामिमन ए क्याप्सुल बियागु खः । अथेहे, स्वसःम्ह सुत्केरीपिन्त भिटामिन ए क्याप्सुल बियागु  खःसा ५३ हजार ८०३ म्हेसित किमिया वासः बियागुु खः । महानगरं सकल अभिभावकपिन्त न्यादँ क्वय् च्वंपिं मचापिन्त भिटामिन ए ज्याझ्वलय् सहभागी याकेत आग्रह याःगु दु । थुुगु ज्याझ्वलय् मचापिन्त भिटामिन उ लिसें किमिया वासः नकूगुु दु । ज्याझ्वलय् ६ महिनानिसें न्यादँँतकया मचापिन्त भिटामिन ए क्याप्सुल नकीसा दच्छिनिसें न्यादँतकया मचापिन्त किमिया वासः नकी ।