कृष्ण प्रजापति
स्वीछक्वःगु नेपालभाषा साहित्य तःमुँज्या व सांस्कृतिक ब्वज्या कन्हय् व कंस कौलाथ्व द्धादशि व त्रयोदशि निन्हुयंकं ख्वप कलेज देक्वचाय् जुइगु जूगु दु । उकिया लागिं अन भब्य मञ्च ब्यवस्थापन जुइधुंकूगु दु । तःमुँज्याया प्रचारया लागिं थौं सनिवाः सनिलय् ग्वसाखलःपाखें छगू तःजिगु सुकुन्दा र्याली जुल । परम्परागत हाकु पतासि सिनावःपिं सलंसः मिस्तय्सं उगु र्यालीइ ब्वति काःगु खः । नेपालभाषा साहित्य कला संस्कृति प्रचार यायेगु ताः तयाः न्ह्याकाच्वंगु थुगु तःमुँज्या असोज ३१ व कार्तिक १ गते निन्हु तक न्ह्याइ । भोलाछेँ त्वालं न्ह्याकूगु उगु र्यालीं ख्वपय् देय् चाःहिलाः तःमुँज्या स्थल ख्वप कलेज देक्वचाय् वनाः क्वचायेकूगु खः । न्ह्यःने लिउने धिमे बाजं तयाः उगु र्याली जूगु खः ।
थुगुसी शिक्षाबिद् विश्वमोहन जोशीया सभापतित्वय् न्हापांगु दिंया तःमुँज्या न्ह्याइगु जूगु दु । अथेहे सातिकुन्हुया तःमुँज्या ज्याझ्वः मय्जु सुशिला कर्माचार्यया सभापतित्वय् यायेगु क्वछिनातःगु दु । नेमकिपाया अध्यक्ष नारायणमान बिजुक्छेँ रोहित मूपाहां कथं झाइगु निन्हु यंकंया तःमुँज्याया उलेज्या जेष्ठ नागरिक कृष्ण सितिखुं यानादीगु ज्याझ्वः तयातःगु दु । न्हापांगु दिंया तःमुँज्याय् सांस्कृतिक गुरुपिंत हनेगु व लिपांगु दिंकुन्हु निन्हुयंकं पाठ जूगु रचनायात सिरपा इनेगु ज्याझ्वः तयातःगु दु ।

...

All Comments.......


Please Login/Register To Comments