ने.सं. ११४२ न्हूदँ समारोह समिति नीस्वनीगु, लक्ष्मीदास मानन्धरयात हनीगु
असोज १९, २०७८, मङ्गलबार | दिउँसो ०१:१२ बजे | 30
नेपाल संवत् राष्ट्रिय न्हूदँ समारोह समिति ११४१ या ग्वसालय् हनेबहःम्ह भाषासेवी, उद्योगपति, नेपाल संवत् आन्दोलनया न्ह्यलुवाः लक्ष्मीदास मानन्धरयात हनीगु जूगु दु । अथेहे, न्हूदँ ११४२ तःजिक हनेगु नितिं समारोह समिति नं नीस्वनीगु जूगु दु । समारोह समितिया व्यवस्थापन पुचःया थौं मंगलवाः च्वंगु मुँज्यां थथे ज्याझ्वः यायेगु निर्णय याःगु खः । न्हूदँ ११४१ या नायः रमेश महर्जनया सभापतित्वय् जूगु उगु मुँज्यां लक्ष्मीदास मानन्धरं नेपाल संवतया आन्दोलन निरन्तर न्ह्याकेगु नितिं यानावयाच्वंगु योगदानयात लुमंकूसें वय्कःयात थथे हनेगु निर्णय याःगु खः ।
न्ह्यलुवाः मानन्धर छुं महिना न्ह्यःनिसें म्हंमफयाः थःगु हे छेँ थ“हितिइ आराम यानाः च्वनाच्वंगु खः । अथेहे, थौंया मुँज्यां कोरोना संक्रमणया दथुइ नं सामाजिक दूरी कायम यासें थुगु दँया न्हूदँ ११४२ हनेगु निर्णय याःगु दु । न्हूदँ हनेगु नितिं ११४२ समारोह समिति वइगु असोज २१ गते बिहिवाः येँया नेपाः ब्यांक्वेटय् थीथी खलः पुचःपाखें निम्ह निम्ह प्रतिनिधि दुथ्याकाः समारोह समिति नीस्वनेत्यंगु दु । वंगु दँ ने.सं. ११४१ कोरोना संक्रमणया हुनिं यानाः बसन्तपुरय् भिंतुना सभा व ¥याली स्थगित यासें येँया नेपाः ब्यांक्वेटय् बःचाधंगु सभा जक याःगु खःसा जगत सुन्दर ब्वनेकुथिइ तःजिक सांस्कृतिक ज्याझ्वः व लखुतीर्थय् शंखधर दिवस न्यायेकूगु खः ।
Comments
.jpg)
.png)