तःमुँज्या तःजिक ताःलाकेत उससमितित नीस्वन

कृष्ण प्रजापति
पीछक्वःगु नेपालभाषा साहित्य तःमुँज्या ताःलाका न्यायेकेत साहित्यप्रेमी व स्वयमसेवकतय् मुँज्यां थीथी कथंया उप समितित नीस्वंगु दु । मुँज्यां जगनाथ सुजखूया संयोजकत्वय् प्रचार प्रसार उप समिति व अनिता जधारीया संयोजकत्वय् आर्थिक उप समिति नीस्वंगु दु । अथेहे पुण्यराम दुवालया संयोजकत्वय् साहित्य उपसमिति, गोविन्दराम त्वानाबासुया संयोजकत्वय् मञ्च ब्यवस्थापन उपसमिति, डा. सत्यनारायण सुवालया संयोजकत्वय् स्वास्थ्य उपसमिति, राजुसिंह बजिकोंया संयोजकत्वय् स्वयमसेवक उपसमिति व कमला सिजख्वःया संयोजकत्वय् पाहां सत्कार उपसमिति नीस्वंगु दु ।
मुँज्याय् नेपालभाषा साहित्य तःमुँज्याया नायः आशाकुमार चिकंबंजारं तःमुँज्या ख्वपया न्यायप्रेमी समुदायया ग्वाहालिं दँय् दसं त्वाः त्वालय् न्यायेके फयाच्वंगु खँ कुलादिल । नेमकिपा नगर समितिया दुजः उपेन्द्र सुवालं प्रतिकूल अवस्थाय् नं तःमुँज्यां जनताया भावनायात कदर यानाच्वंगु खँ कनादिल । तःमुँज्याया छ्याञ्जे नरेश खत्रीं सहलह व योजना दयेका ज्या याये फतधाःसा कमी कमजोरी म्हो जुइगु खँ कनादिल । ज्याझ्वलय् पीछकःगु नेपालभाषा साहित्य तःमुँज्या ग्वसाखलःया नायः गणेशराम थुसां तःमुँज्या ताःलाकेत सकसितं ग्वाहालिया निंतिं आह्वान यानादीगु खः ।