बाग्मती प्रदेशया मुख्यमन्त्री अष्टलक्ष्मी शाक्य अल्पमतय् लात
भदौ २८, २०७८, सोमबार | दिउँसो ०३:४३ बजे | 75
कृष्ण प्रजापति
नेकपा एकीकृत समाजवादी बाग्मती प्रदेशया मुख्यमन्त्री अष्टलक्ष्मी शाक्ययात समर्थन मदुगु जानकारी ब्यूगु दु । नेकपा एमाले विभाजन जुगु इलय् १३ सांसदत एकीकृत समाजवादी ल्यंगु खः । थौं आइतबार च्वंगु मुज्यां राजेन्द्र पाण्डेयात संसदीय दलया नेता ल्यंगु दु ।
मुज्यां मुख्यमन्त्री शाक्ययात थःगु समर्थन मदुगु जानकारी संसद सचिवालययात जानकारी बिइगु निर्णय याःगु दु् । थ्व निर्णय लिपा मुख्यमन्त्री शाक्य अल्पमतय् लाःगु दु । एमाले विभाजन जुइवं माधवकुमार नेपालया पुचःयात त्वःता एमालेय् च्वम्ह शाक्य २ भदौलय् मुख्यमन्त्री जुगु खः । १०९ सदस्यीय प्रदेशसभाय् एमालेया प्रष्ट बहुमत दुगु खःसा ५५ मध्ये १३ सांसदत एकीकृत समाजवादी ल्ययेवं एमालेया सांसद ४२ म्ह कायम जुगु खः । आः मुख्यमन्त्री शाक्य विश्वासया मत कायेमालिगु मखुसा अविश्वासया प्रस्ताव दर्ता यायेगु तयारी न्यागूदलीय गठबन्धनं याःगु दु ।
Comments
