कुलमान घिसिङविरुद्धया रिट प्रधानन्यायाधीश चोलेन्द्र जवराया इजलासय्
भदौ ८, २०७८, मङ्गलबार | दिउँसो ०२:४४ बजे | 30
कृष्ण प्रजापति
नेपाल विद्युत प्राधिकरणया कार्यकारी निर्देशकय् कुलमान घिसिङयात याःगु नियुक्ति खारेजया माग यासें लाःगु रिट प्रधानन्यायाधीश चालेन्द्र शमसेर जबरा थःम्हं हे स्वइगु जूगु दु । मंगलवाः पेशी क्वःछीगु झ्वलय् उगु रिट जबरां थःपाखे हे तःगु खः ।
निवर्तमान कार्यकारी निर्देशक हितेन्द्रदेव शाक्यं नियुक्ति बदरया माग यासें ३२ साउनय् सर्वोच्च अदालतय् रिट दायर याःगु खः । रिटय् शाक्यं थःत गैरकानूनी रुपं प्राधिकरणया कार्यकारी निर्देशक पदं चिइकूगु दाबी यासें उकियात बदर यानाः थःत यथावत् तयेमाःगु माग याःगु खः । रिटय् प्रधानमन्त्री व मन्त्रिपरिषद ज्याकुथि, ऊर्जा मन्त्रालय, ऊर्जामन्त्री, नेपाल विद्युत प्राधिकरणया संचालक समिति व कार्यकारी निर्देशक कुलमान घिसिङयात विपक्षी दयेकूगु दु । सरकारं शाक्ययात जल व ऊर्जा आयोगया पूर्णकालीन दुजलय् नियुक्त यानाः घिसिङयात प्राधिकरणया कार्यकारी निर्देशक याःगु खः ।
Comments
.jpg)
.jpeg)
.jpg)
.jpeg)