काठमाडौं मेडिकल कलेजया कर्मचारी आन्दोलनय्
साउन ११, २०७८, सोमबार | साँझ ०४:०१ बजे | 35
कृष्ण प्रजापति
येँया सिनामंगलय् च्वंगु काठमाडौं मेडिकल कलेजया कर्मचारी आन्दोलनय् क्वाहाँ वःगु दु । कलेजय् न्हूगु व्यवस्थापन वयेधुंकाः विगतय् कयावयाच्वनागु सेवा सुविधा कटौती जूगु धासें इपिं आन्दोलनय् क्वाहाँ वःगु खः ।
न्हूगु व्यवस्थापनं पुलांपिं कर्मचारी विनियम खारेज यानाः न्हूगु लागू याःगु व उकी कर्मचारीया सेवा सुविधा कटौती याःगु कर्मचारीपिन्सं धाःगु दु । सोमवाः सुं सुं कर्मचारीपिन्त अस्पताल दुहाँ वयेगुलि हे रोक तयेधुंकाः इमिसं गेटय् हे धर्ना बियाः नाराबाजी याःगु खः । परीक्षण काल पूवंके धुंकूपिं कर्मचारीपिन्त दत्यालिपा स्वतः स्थायी यायेमाःगुलि मयाःगु, कर्मचारीपिन्त बच्छि तलब जक ब्यूगु, उपचार सुविधा मब्यूगु धासें कर्मचारीपिन्सं आन्दोलन याःगु खः । काठमाडौं मेडिकल कलेज व्यवसायी डा. सुनिल शर्मां न्यानाः कायेधुंकाः कर्मचारीया सुविधा खोसेयाःगु आन्दोलनरत कर्मचारीपिन्सं धाःगु दु ।
Comments
.jpg)
.jpeg)
.jpeg)
.jpg)
