भक्तपुर एन्फा विघटनविरुद्ध भक्तपुरका टिम क्लबहरु एकबद्ध

कार्यक्रममा प्रमुख अतिथि सभासद् सुरेन्द्र राज गोसाईले विष नभएको सर्प हुदैन ईख नभएको मान्छे नहुने बताउदै गलत ढंगले विघटन गरेको विरुद्ध कानुनी संघर्ष गर्नु पर्ने बताउनुभयो । उनले हामी अरुभन्दा योग्य, इमान्दारी, नैतिकवान हुनु पर्ने बताउदै अन्यायको विरुद्ध बोले यो नेमकिपाको होला भनि विल्ला लगाउने गरेको सर्वविदित्तै भएको बताउनुभयो । उनले काठमाण्डौं उपत्यकाका आदिवासी मेहनतिका साथ काम गर्ने तर बाहिरबाट आएका माथिल्लो जातले मालिक्याई देखाउने गरेकोले प्रदेश सरकारले बजेट गुट भित्रको पनि छोटा राजाहरुको भएको र सत्ता पक्षले नै संसदमा बजेत समाजवाद उन्मुख नभएको कुरामा सहमति जनाएको बताउनु भयो । उहाले संख्यात्मकभन्दा गुणात्मकमा जोड दिदैं योग्य र इमान्दार भए कम आकलन  र नजरअन्दाज गर्न नसक्ने र निषेध गरेर जान नसक्ने बताउनुभयो । उहले अरुको पछि नलागि आफ्नै खुट्टामा उभिएर खेलकुदको विकास गर्नु पर्ने बताउदै बहादुर देखाउनु भन्दा देश र जनताको निम्ति काम गर्नु पर्ने बताउनु भयो । उनले पंञ्चायति तानाशाहीले फासिं दे भन्दा पनि पछि नलागि विरोधमा लाग्ने पूर्खापिताले सिकाएको नैतिकता, सिद्धान्त र विचारमा अडिग भई अगाडि बढ्नु पर्ने बताउनु भयो । उनले व्यापार युद्ध, दक्षिणी चिनिया सागरमा अल्झाउन नसकेपछि चीन र भारतलाई लदाखमा फसाउने अमेरिकाको चाल रहेको साथै एमसीसी नेपाललाई स्प्रिड्ड बोर्ड बनाई अमेरिकाले चीनलाई हान्ने योजना सहित आएको भन्नुभयो ।

[[img2]]

कार्यक्रममा नगर खेलकुद समितिका संयोजक एवम् वडा नं १ का वडाध्यक्ष श्याम कृष्ण खत्रीले नगरपालिकाको खेलकुदको बजेट बारे बताउनुभयो । कार्यक्रममा भक्तपुर जिल्ला फुटबल संघका अध्यक्ष गौतम सुजखुको सभापतित्वमा सम्पन्न कार्यक्रममा उपाध्यक्ष रामकृष्ण प्रजापति र उपाध्यक्ष एवम् पूर्व राष्ट्रिय खेलाडी सुनिल प्रजापतिले एन्फाले विधान विपरित भक्तपुर जिल्लालाई विघतन गरेको बारे बोल्नुभयो ।

[[img3]]