सकियो भक्तपुर बचतमा आठदिने वाककला तालिम

भक्तपुर, २० जेष्ठ
भक्तपुर बचत तथा ऋण सहकारी संस्था लिमिटेडको सूचना तथा प्रकाशन उपसमितिको आयोजनामा जेठ १२ गतेदेखि भएको आठ दिने वाककला तालिम बुधबार सम्पन्न भएको छ ।
प्रमुख अतिथि एवम् संस्थाका  सल्लाहकार विष्णुगोपाल कुसीले एउटा न एउटा विषयमा विशेषज्ञ भए कोही पनि भोकै बस्न नपर्ने बताउँदै वाककलाको तालिमले गन्तव्यमा पु¥याउने बताउनुभयो । हरेक राजनीतिक दलले आफ्नो कुरा स्पष्ट रुपमा राख्न स्पष्ट बोल्ने प्रवक्ताको व्यवस्था गर्ने बताउँदै उहाँले सिप र तालिमको निरन्तर प्रयासले स्पष्ट वक्ता बनाउने औंल्याउनुभयो । उहाँले सबै नेतासँग वाककलाको गुण नहुने बताउँदै वाककला कठिन विषय भएकाले प्रयास जारी राख्नुपर्ने बताउनुभयो । साथै वाककलाले श्रोताको मन जित्न सक्ने भएकाले यो अल्प आकर्षित कला रहेको बताउँदै उहाँले कलाको खाँचो भक्तपुर बचतले मेटाएको स्पष्ट पार्नुभयो ।
संस्थाका अध्यक्ष निर्मल प्रजापतिले शारीरिक हाउभाउ र आवाजलाई संयोजन गरी वाककलाको सही सदुपयोग गर्नुपर्नेमा जोड दिँदै यस तालिमले व्यक्तित्व र नेतृत्व शक्ति वृद्धि गर्ने बताउनुभयो । समाजसँग संस्था जोडेमात्र पूँजी निर्माण हुने बताउँदै उहाँले संस्थाले गर्ने सामाजिक उत्तरदायित्वका कार्यक्रमले सदस्य र समाजसँग जोडेको बताउनुभयो । उहाँले राम्रो श्रोता मात्र राम्रो वक्ता बन्ने भएकाले अरुले बोलेका कुरालाई पनि धैर्य गरी सुन्न सक्नुपर्ने औंल्याउनुभयो ।
तालिमका प्रशिक्षक शरद राईले कठिन  परिस्थितिमा पनि हार नमानी डर र मनलाई नियन्त्रणमा राख्नुपर्नेमा जोड दिनुभयो । उहाँले हरेकले सपनालाई मेहनतमा परिणत गरेमात्रै साकार हुने यथार्थ बताउँदै राम्रो र सफल बक्ता बन्नका लागि तालिमले सार्थक तुल्याएको बताउनुभयो ।
प्रशिक्षार्थीहरु श्रीप्रसाद त्यात, रोशनी कार्की, राकेश सैंजू र सम्झना भण्डारीले अनुभव सुनाएको उक्त कार्यक्रममा आयोजक समितिका संयोजक कृष्णश्वरी दुवाल, सदस्य विकल कोजू लगायतले बोलेको थियो । तालिममा २१ जना प्रशिक्षार्थीहरु सहभागी रहेका थिए ।