गजल
बैशाख ३१, २०८३, बिहीबार | राति ०७:१२ बजे | 30
राजन कार्की
दुखमा गरेका वाँचाहरु, किन फेरि फेर्न थाले ।
आफन्तहरुले नै आज,वाटोघाटो कुर्नथाले ।।
जसका लागि बगाएँ,रगत अनि पसिनाहरु ।
वैगुनिलाई गुन लगाएँ,उनिहरुले नै मार्नथाले ।।
स्वतन्त्रताको विहानी ल्याउँने,मेरा ती ईच्छालाई ।
चारैतिर जाँल बिछ्याई,त्यसैभित्र पार्नथाले ।।
जबहुन्छ विवेक शून्य,खोला तर्यो लौरो विर्स्यो ।
स्वार्थिहरुको सेवा गर्दा,भाषाहरु फेर्नथाले ।।
Comments
