आठ दिने जल उपवास पश्चात् ‘श्रीहरि आरोग्य साधना’ अभियानको प्रेरणादायी सुरुवात

भक्तपुर | चैत १४
२०८२ साल चैत महिनाको १४ गते, चैत्र दशैंको दशमीको पावन अवसरमा “एक विश्व, एक आध्यात्मिक परिवार बनौँ” भन्ने उच्च उद्देश्यसहित श्रीहरि आरोग्य साधना अभियान औपचारिक रूपमा सुरु भएको छ।
स्वास्थ्य, खुसी, आनन्द, प्रेम र ज्ञानपूर्ण जीवन जिउँ र अरूलाई पनि जिउन सिकाऔँ भन्ने भाव बोकेको श्रीहरि सेल्फ रियलाइजेसन फाउन्डेसन का संस्थापक अध्यक्ष चन्द्रहरी कायस्थ द्वारा यो अभियान आरम्भ गरिएको हो।
यस अभियानअन्तर्गत अध्यक्ष कायस्थले आठ दिनसम्म निरन्तर जल उपवास बस्दै दैनिक १० देखि १८ किलोमिटर पैदल यात्रा गर्ने अद्भुत संकल्प पूरा गरे पश्चात् यो केवल व्यक्तिगत साधना मात्र नभई समाजलाई जागरणतर्फ डोर्याउने एक सशक्त आध्यात्मिक अभियानको रूपमा हेरिएको छ।
   योग, ध्यान र स्वास्थ्यबारे विशेष साक्षात्कार कार्यक्रम
यसै सन्दर्भमा सिरु योग साधना केन्द्र, सूर्यविनायक नगरपालिका–१, सिरुटार, भक्तपुरले
“श्रीहरि आरोग्य साधना, ध्यान, योग र स्वास्थ्य” विषयमा एक घण्टे विशेष साक्षात्कार कार्यक्रम आयोजना गरेको थियो।
उक्त कार्यक्रम प्रत्येक दिन बिहान ५:०० देखि ६:३० बजेसम्म सञ्चालन हुने गर्दछ, जहाँ अध्यक्ष कायस्थलाई आफ्ना अनुभव, धारणा र साधनाका गहिरा पक्षहरू साझा गर्न आमन्त्रित गरिएको थियो।
कार्यक्रममा जेष्ठ नागरिक, योग साधक महिला–पुरुष तथा विभिन्न क्षेत्रका व्यक्तित्वहरूको उल्लेखनीय सहभागिता रहेको थियो।

 के हो ‘श्रीहरि आरोग्य साधना’?

“एक जीवनशैली – एक साधना – एक समाधान” भन्ने मूल मन्त्रसहित अघि बढेको यो साधना केवल कुनै व्यक्तिमा सीमित छैन।
श्रीहरि भनेको अखण्ड चेतनाको स्रोत हो—
जसलाई कसैले भगवान, कसैले प्रकृति, त कसैले जीवन–शक्ति वा विश्व–चेतना भन्छन्।
यो साधना शरीर, मन र आत्माको सन्तुलन स्थापित गर्ने समग्र (Holistic) आध्यात्मिक जीवनशैली हो।
आजको भौतिकवादी जीवनमा—
औषधि खाँदा पनि रोगको मूल कारण हट्दैन
धन हुँदा पनि शान्ति पाइँदैन
सम्बन्ध हुँदा पनि अपनत्व हराउँदै जान्छ
यिनै समस्याको समाधान खोज्दै श्रीहरि आरोग्य साधना भन्छ—
 “सत्य बाहिर होइन, समाधान भित्र छ।”
 साधनाका चार आधारस्तम्भ
 तप (आत्मसंयम) – अनुशासन, शुद्धता र इन्द्रिय नियन्त्रण
 सेवा (निस्वार्थ कर्म) – अपेक्षारहित सेवा र करुणा
 सुमिरन (ध्यान) – मौनता र साक्षीभाव
 समर्पण – अहंकार त्याग र पूर्ण विश्वास
 पाँच प्रमुख लाभ
अखण्ड स्वास्थ्य
शारीरिक, मानसिक र आत्मिक शक्ति
परिस्थितिभन्दा परको आनन्द
 आत्मबोधयुक्त ज्ञान
 सम्पूर्ण सृष्टिप्रति प्रेम
 गहिरो प्रश्न: “म को हुँ ?”
यस साधनाको केन्द्रमा यही प्रश्न रहेको छ।
जब मानिस नाम, शरीर र पहिचानभन्दा पर जान्छ,
तब मात्र साँचो आत्मसाक्षात्कार सम्भव हुन्छ।
“विचार शून्य अवस्थामा चेतन जागृत हुन्छ,
र त्यहीँ भगवानसँग एकत्वको अनुभूति हुन्छ।”
एक विश्व – एक आध्यात्मिक परिवार
फाउन्डेसनले ध्यान, साधना, तालिम र सेवामार्फत
मानिसलाई स्वस्थ, सन्तुलित र आनन्दमय जीवनतर्फ डोर्याउने लक्ष्य लिएको छ।
 कसरी सुरु गर्ने ?
बाहिरी नियन्त्रण घटाउनुहोस्
भगवानलाई जीवनको स्रोत मान्नुहोस्
दैनिक १०–१५ मिनेट ध्यान गर्नुहोस्
दिनमा कम्तीमा एउटा निस्वार्थ सेवा गर्नुहोस्
सरल र संयमित जीवन अपनाउनुहोस्
 निष्कर्ष
श्रीहरि आरोग्य साधना कुनै चमत्कार होइन,
यो चेतनाको परिवर्तन हो।
यो साधना जीवनलाई समस्याबाट होइन,
समाधानतर्फ डोर्याउने उज्यालो मार्ग हो।