तुतः व परित्राण ज्याझ्वः क्वचाल

गुँलाधर्मया लसताय् तुतः व परित्राण ज्याझ्वः क्वचाल । थौं ने.सं.११४५ गुँलागा चतुर्दर्शी शुक्रवाः(२०८२ भाद्र ६ गते शुक्रबार) युवा बौद्ध पुचः भक्तपुरया ग्वसालय् गुँलाधर्मया लसताय् थीथी थासय् मध्य न्याक्वगु अन्तिम तुतःव परित्राण पाठ ज्याझ्वः खमाःबहाः, लोकेश्वर महाविहार ईताछेँ, ख्वपय् खमाः बहाःया व्यवस्थापनय् क्वचाल । लिच्छवि जुजु हर्षदेवं च्वया बिज्यागु प्रभात स्तुति पाठ नापं परित्राण पाठ व मेमे तुतः पाठय् युवा बौद्ध पुचः भक्तपुरया अध्यक्ष रत्नसुन्दर शाक्यजुं लसकुस नापं प्रभात स्तुतिया महत्व कना बिज्यात अथेहे कोषाध्यक्ष संजय शाक्यजु तुतः व परित्राणया अर्थ ब्वना न्यंका बिज्यात । खमा बहाःया नायो वरिष्ठ उपासक संघरत्न शाक्यजुं बुद्धया धर्म नापं कर्मनं बांकेमागु नापं खमाःबहा व ४०० दँया निवाःशाक्यया इतिहास कना बिज्यात । सुभाय् न्वचु उपाध्यक्ष नापं ज्याझ्वःया कजिः शाक्यान शाक्यजुं सकसितं सुभाय् बिया बिज्यातसा ज्याझ्वः सचिव तुल्सीकाजी मानन्धरजुं न्ह्याका दिगु ख: ।