Voice of Bagiswori सिजन ४ काे अडिसन सम्पन्न

भक्तपुर, २७ श्रावण

वागीश्वरी माध्यमिक विद्यालय, वागीश्वरी कलेज र वागीश्वरी कलेज अफ म्यानेज‌मेन्टको संयुक्त आयोजनामा संचालन हुदै आएको भ्वाइस अफ वागीश्वरी सिजन 4 अन्तर्गत आज प्रथम चरणको प्रतियोगिता Audition Round आज सम्पन्न भएको छ । ‎ ‎कार्यक्रमका संयोजक नविन्द्र‌लाल कर्माचार्यका अनुसार आजको चरणमा विद्यालयका कक्षा ९ देखि १२ सम्म, टेक्स् कार्यक्रम, वागीश्वरी कलेज र वागीश्वरी कलेज अफ म्यानेज्मेन्टमा अध्ययनरत जम्मा ६८ विद्यार्थीहरूले भाग लिएका थिए। करिब ११ बजे देखि सुरु भएको कार्यक्रममा विद्यार्थीहरुले आफूले रोजेका गीतहरू ट्रयाकबिना गाएका थिए । ‎ ‎सो चरणमा निर्णायक मण्डलमा गायक तथा संगित संयोजन कर्ता गनु राज राई र गायक तथा कार्यक्रम संयोजक नविन्द्र लाल कर्माचार्य रहनु भएको थियो। ‎ ‎आजको चरणबाट १५ प्रतियोगीहरु अर्को चरण Karaoke Round मा प्रवेश गर्न सफल भएका छन्। यस चरणको रेकर्ड प्रसारण भने बुधबार साँझ सम्ममा प्रसारण हुने जानकारी प्राप्त भएको छ । छनौट भएका विद्यार्थीहरुको नामावली स्कूलको अफिसियल पेजमा प्रकाशित गरिसकेको छ। ‎ ‎कार्यक्रममा साउण्ड पार्टनरका ‎रूपमा बास साउण्ड , रेडियो पार्टनरको रूपमा भक्तपुर एफएम, इभेन्ट पार्टनरमा बाला इभेन्ट, वार्डरोव पार्टनर ड्रेस हायर पोइन्ट र ब्युटि पार्टनरका रूपमा सनम मेकअप स्टुडियो रहेका छन्। कार्यक्रममा आइकन म्युजिक एकेडेमी , संगीतग्राम गुरुकुल नेपाल, नेपाल इको प्यानेल, हाम्रो पुस्तक भण्डार , लक्ष्मी ह्याण्डिक्राफ्ट, सरस्वती इन्टरप्राइजेज, ए वान टेलरिङ्ग सेन्टर, मयूर प्रिन्ट्स, गोरखा ईको प्यानल, सेवा निवृत्त शिक्षक समाज तथा विवेक साउण्ड स्टुडियोले प्रायोजन गरेकाे जानकारी छ।