विजयध्वज थापाको नयाँ गीत ‘पिउँदै नशा नयनको’ बजारमा

जयराम बिडारी

गीत,कविता, मुक्तक, नियात्रा लेखनका क्षेत्रमा दर्जनौं पुस्तक प्रकाशन गरिसकेका चर्चित साहित्यकार विजयध्वज थापाद्वारा लेखिएको नयाँ गीत ‘पिउँदै नशा नयनको’ सार्वजनिक गरिएको छ । प्रशिद्ध गायक मुरलीधरको स्वर र सञ्जय खड्गीको संगीत रहेको उक्त नयाँ गीतलाई यही असार २६ गतेका दिन इमेज एफ एम ९७.९ बाट सार्वजनिकिकरण गरिएको हो । संगीत पारखीहरुका लागि गजल शैलीमा तैयार पारि गाइएको यस गीतलाई रचनाकार थापा भने चारु भन्न रुचाउँछन् ।

लीलाध्वज थापा साहित्य प्रतिष्ठानको अध्यक्ष समेत रहेका साहित्यकार /गीतकार थापाका यस अघि पनि धेरै गीतहरु सार्वजनिक भइसकेको छन् भने अन्य धेरै गीत रेकर्डिङको क्रममा रहेकोसमेत बताइएको छ । उनका गीतहरुमा नेपाली सांगीतिक क्षेत्रका सुप्रशिद्ध गायक गायिका तथा संगीतकारहरुले आवाज भरेर अनि संगीत दिएर चर्चाको शिखरमा पुर्याएका पाइन्छ । उनका गीतहरुमा मुरलीधर, आनन्द कार्की,रामकृष्ण ढकाल, राजेश पायल राई, शिशिर योगी, प्रमोद खरेल मेलिना राई, सत्यराज आचार्य, स्वरुपराज आचार्य , अन्जु पन्त, शिव परियार, सिने गुरूङ, विष्णु चेम्जोङ, सिमा सङ्ग्रौला,सरिता शाही , आदिले स्वर दिएका छन् । भने न्हु बज्राचार्य , राजु सिंह रामहरि कपाली, सन्जय खड्गी, विजयध्वज थापा तथा कीर्ति नेउपाने जस्ता मूर्धन्य संगीतकारहरुले संगीत भरेका छन् । रामकृष्ण ढकाल र अन्जु पन्तले गाएका उनका गीतहरु माया मायाको जीवन र रारामा तिमिलाई देखें , फेवामा तिमीलाई देखे, टल्केको सीत झर्दा सीत भित्र तिमीलाई देखें जस्ता गीतहरु यस अघिनै निक्कै चर्चित रहेका पाइन्छन् भने स्वदेशप्रतिको समर्पण भावले ओतप्रोत भएको मेरो देश बोलाई रहेछ … र हिम् शिखरमा विश्वमा पहिलो जलभण्डार नेपाल जस्ता चर्चित स्वदेशगानको परिचर्चा व्यापक रुपमा रहेको पाइन्छ ।